મોરબીની ત્રાજપર ચોકડી નજીક ઝેરી દવા પી ગયેલ યુવાનને રાજકોટ સારવારમાં ખસેડાયો

મોરબી શહેરના સામાકાંઠા વિસ્તારમાં ત્રાજપર ચોકડી નજીક યુવાને ઝેરી દવા પી લીધી હતી જેથી કરીને તેને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ લઈ જવામાં આવેલ છે અને આ બનાવની મોરબી બી ડિવિઝન પોલીસને જાણ કરતા પોલીસ આગળની કાર્યવાહી હાથ ધરી છે

જાણવા મળતી માહિતી મુજબ મોરબીના સામાકાંઠા વિસ્તારમાં આવેલ પાવન પાર્ક-4 માં રહેતા નિરંજન તિલકપ્રસાદ બિન (43) નામના યુવાને કોઈ કારણોસર ત્રાજપર ચોકડી પાસે આવેલ પેટ્રોલ પંપ નજીક ઝેરી દવા પી લીધી હતી જેથી તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાંથી વધુ સારવાર માટે તે યુવાનને રાજકોટની સરકારી હોસ્પિટલ ખાતે લઈ જવામાં આવેલ છે અને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ વાલભા ચાવડા ચલાવી રહ્યા છે

બાઈકમાંથી પડી જતાં

મોરબીના વીસીપરામાં આવેલ કોલોનીમાં રહેતા સીમનબેન હુસેનભાઇ પીલુડિયા (28) નામની મહિલા તેના પતિના બાઈકમાં પાછળના ભાગે બેસીને ઘર નજીકથી પસાર થઈ રહી હતી દરમિયાન કોઈ બાઈકમાંથી નીચે પડી જતા જમણા હાથમાં ઈજા થઈ હતી અને ઇજા પામેલ મહિલાને સારવાર માટે મોરબીની સિવિલ હોસ્પિટલ ખાતે લાવ્યા હતા અને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતાં પોલીસ આગળની કાર્યવાહી હાથ ધરી છે.

મારા મારીમાં ઇજા

મોરબી તાલુકાના આમરણ ગામે રહેતા રમીલાબેન ગોવિંદભાઈ ભાંભી (38) અને રેખાબેન ચકુભાઈ પરમાર (60) નામના બે મહિલાઓને મારામારીના બનાવમાં ઈજા થઈ હતી જેથી ઈજા પામેલા બંને મહિલાને સારવાર માટે મોરબીની સિવિલ હોસ્પિટલ ખાતે લાવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે