ટંકારાના ધારાસભ્ય દ્વારા ધ સાબરમતી રિપોર્ટ ફિલ્મના વિશેષ શોનું આયોજન કરાયું

તાજેતરમાં રિલીઝ થયેલ ધ સાબરમતી રિપોર્ટ ફિલ્મને જોવા માટે સીએમ અને ગૃહમંત્રી ગયા હતા ત્યાર બાદ તેમણે ગુજરાતમાં ધ સાબરમતી રિપોર્ટ ફિલ્મને ટેક્સ ફ્રી જાહેર કરી હતી અને ‘ધ સાબરમતી રિપોર્ટ’ ફિલ્મ નિહાળીને સોશિયલ મીડિયા પર વડાપ્રધાન નરેન્દ્ર મોદી અને ગૃહમંત્રી અમિતભાઈ શાહે પણ ‘ધ સાબરમતી રિપોર્ટ’ ફિલ્મની પ્રશંસા કરી હતી ત્યારે બાદ ગોધરાકાંડ પર આધારિત ‘ધ સાબરમતી રિપોર્ટ’ ફિલ્મના ઠેર ઠેર શોનું આયોજન કરવામાં આવી રહ્યું છે ત્યારે ગોધરાકાંડ ટ્રેન દુર્ઘટનાની હકીકતથી લોકો વાકેફ થાય તે માટે ટંકારાના ધારાસભ્ય દુર્લભજીભાઈ દેથરિયા દ્વારા મોરબીના બાયપાસ રોડે આવેલ નેક્ષસ સિનેમા ખાતે ધ સાબરમતી રિપોર્ટ ફિલ્મના શોનું આયોજન કરવામાં આવ્યું છે અને તેમાં ટંકારા અને પડધરીના ભાજપના આગેવાનો, હોદેદારો અને કાર્યકર્તાઓ હાજર રહ્યા હતા આ તકે ધારાસભ્ય દુર્લભજીભાઈ દેથરિયા, મોરબી તાલુકા ભાજપના પ્રમુખ અરવિંદભાઇ વાસદડિયા, મોરબી તાલુકા પંચાયતના પ્રમુખ અશોકભાઇ દેસાઇ, ધનજીભાઇ દંતાલિયા, બિપિનભાઈ પ્રજાપતિ, જતીનભાઈ ફૂલતરિયા, રવિભાઈ ખાંભલા સહિતના અગ્રણીઓ હાજર રહ્યા હતા.