મોરબીના ઝાલા પરિવારે લગ્નના ચાંદલા સ્વરૂપે આવેલી માતબર રકમ નવનિર્મિત રાજપૂત સમાજ ભવન માટે અર્પણ કરી
Morbi Today
મોરબીની વિનય ઇન્ટરનેશનલના વિદ્યાર્થીઓએ બેડમિન્ટન, કરાટે અને સ્કેટિંગ સ્પર્ધામાં જિલ્લા કક્ષાએ મેડલ મેળવ્યા
SHARE
JOIN OUR GROUP
મોરબીની વિનય ઇન્ટરનેશનલના વિદ્યાર્થીઓએ બેડમિન્ટન, કરાટે અને સ્કેટિંગ સ્પર્ધામાં જિલ્લા કક્ષાએ મેડલ મેળવ્યા
મોરબીની વિનય ઇન્ટરનેશનલના વિદ્યાર્થીઓએ બેડમિન્ટન, કરાટે અને સ્કેટિંગ સ્પર્ધામાં જિલ્લા કક્ષાએ મેડલ મેળવ્યા છે.યુવક સેવા અને સાંસ્કૃતિક પ્રવૃતિઓ વિભાગ દ્વારા દર વર્ષે બાળકોમાં રહેલી સુષુપ્ત શક્તિઓ અને કલાને ખીલવવા માટે ખેલ મહાકુંભ સ્પર્ધાનું આયોજન કરવામાં આવે છે.જેમાં તારીખ ૨૨,૨૩ અને ૨૪ જાન્યુઆરીના રોજ જીલ્લા કક્ષાએ વિનય ઇન્ટરનેશનલ સ્કુલનાં વિદ્યાર્થીઓએ બેડમિન્ટન સ્પર્ધામાં ભાઈઓ અને બહેનોની અંડર-૧૧, અંડર-૧૪ અને અંડર-૧૭ ની અલગ અલગ સ્પર્ધાઓમાં વિજેતાં બન્યા.જેમાં પહેલા સ્થાને ૬, બીજા સ્થાને ૨, ત્રીજા સ્થાને ૧, ચોથા સ્થાને ૨ અને પાંચમાં સ્થાને ૧ એમ કુલ ૧૨ વિદ્યાર્થીઓએ વિજેતા સ્થાન મેળવી જિલ્લા કક્ષાએ ઉત્કૃષ્ઠ પ્રદર્શન કર્યું હતુ. તેમજ ખેલ મહાકુંભ સ્પર્ધામાં તા.૧૮ અને ૧૯ જાન્યુઆરીના રોજ જીલ્લા કક્ષાએ યોજાયેલ કરાટે સ્પર્ધામાં ભાઈઓ અને બહેનોની અંડર-૧૧, અંડર-૧૪ અને અંડર-૧૭ની અલગ અલગ સ્પર્ધાઓમાં વિજેતાં બન્યા હતા.જેમાં પહેલા સ્થાને ૭, બીજા સ્થાને ૩, ત્રીજા સ્થાને ૧ અને ચોથા સ્થાને ૩ એમ કુલ ૧૪ વિદ્યાર્થીઓએ વિજેતા સ્થાન મેળવ્યુ હતુ.
તે ઉપરાંત તા.૩૦ અને ૩૧ જાન્યુઆરીના રોજ જીલ્લા કક્ષાએ વિનય ઇન્ટરનેશનલ સ્કુલનાં વિદ્યાર્થીઓએ સ્કેટિંગ સ્પર્ધામાં ભાઈઓ અને બહેનોની અંડર-૧૧, અંડર-૧૪ અને અંડર-૧૭ ની અલગ અલગ સ્પર્ધાઓમાં વિજેતાં બન્યા હતા.જેમાં પહેલા સ્થાને ૧૩, બીજા સ્થાને ૯ અને ત્રીજા સ્થાને ૫ એમ કુલ ૨૭ વિદ્યાર્થીઓએ વિજેતા સ્થાન મેળવી જિલ્લા કક્ષાએ ઉત્કૃષ્ઠ પ્રદર્શન કરી વિનય ઇન્ટરનેશનલ સ્કુલનું નામ રોશન કર્યું છે.આગામી સમયમાં આ વિજેતાઓ રાજ્ય કક્ષાએ મોરબી જીલ્લાનું પ્રતિનિધિત્વ કરશે.વિદ્યાર્થીઓએ શાળા વિનય ઇન્ટરનેશનલ સ્કુલ, માતા-પિતા તથા મોરબી જીલ્લાનું ગૌરવ વધારેલ છે. તે બદલ વિનય ઇન્ટરનેશનલ સ્કુલ મેનેજમેન્ટ, પ્રિન્સીપલ મેડમ, સર્વે શિક્ષકગણ તેમજ સંપુર્ણ શાળા પરીવાર તરફથી વિદ્યાર્થીઓને અભીનંદન પાઠવવામાં આવેલ છે.
