મોરબીમાં ત્રિકોણ બાગ પાસે દુકાને બેઠેલા યુવાનને અગાઉના ઝઘડાનો ખાર રાખીને ગાળો આપીને માર માર્યો

મોરબીમાં ત્રિકોણ બાગ પાસે દુકાન ધારવતો યુવાન તેની દુકાને હતો ત્યારે જુના ઝઘડાનો ખાર રાખીને એક શખ્સ તેની દુકાને આવેલ હતો અને ત્યાં યુવાનને ગાળો આપી હતી ત્યારે યુવાને ગાળો આપવાની ના પડતા દુકાનમાં આવેલા શખ્સે તેને પેટ તથા પગના ભાગે ધોકા વડે મારમારીને ઈજા કરી હતી જેથી ઇજા પામેલા યુવાનને સારવાર માટે લઈ લઈ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

મોરબીના વાવડી રોડ ઉપર આવેલ ગાયત્રીનગર શેરી નં-1 માં રહેતા ભાવિકભાઈ પ્રદીપભાઈ પરમાર (31) એ હાલમાં મોરબી એ ડિવિઝન પોલીસ સ્ટેશન ખાતે હિરેનભાઈ નંદલાલભાઈ ધામેચા રહે. મીરાપાર્ક મોરબી વાળાની સામે ફરિયાદ નોંધાવેલ છે જેમાં તેને જણાવ્યું છે કે મોરબીમાં ત્રિકોણ બાગ પાસે જેપી માર્કેટમાં તેની ભાવિક ટેલિકોમ નામની દુકાન આવેલી છે અને તે પોતાની દુકાને બેઠો હતો ત્યારે અગાઉ થયેલ ઝઘડાનો ખાર રાખીને આરોપી તેની દુકાને આવેલ હતો અને ત્યાં ફરિયાદીને ગાળો આપી હતી ત્યારે ફરિયાદીએ ગાળો દેવાની ના પાડતા આરોપીએ તેને લાકડાના ધોકા વડે ડાબા પગ તથા પેટના ભાગે મારમારીને ઇજાઓ કરી હતી જેથી ઇજા પામેલા યુવાનને સારવાર માટે હોસ્પિટલે લઈ ગયા હતા અને ત્યા સારવાર લીધા બાદ યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

યુવતી સારવારમાં

મોરબીની સર્વોપરી સ્કૂલ પાસે આવેલ ધર્મ મંગલ સોસાયટી વિસ્તારમાં રહેતા પરિવારની જીજ્ઞાશાબેન મહોબતસિંહ રાઠોડ નામની ૧૯ વર્ષીય યુવતી કોઈ કારણોસર દવા પી ગઈ હોય તેને શિવમ હોસ્પિટલમાં સારવાર માટે લાવવામાં આવી હતી બનાવ અંગે નોંધ કરીને બી ડિવિઝન પોલીસ મથકના એ.એમ.જાપડીયાએ તપાસ કરી હતી.જ્યારે મૂળ મધ્યપ્રદેશના અને મોરબીના રાજપર ગામે રહેતા ચિમલીયાભાઈ સુમલાભાઈ વસુનીયા નામનો ૧૩ વર્ષનો બાળક બાઇકમાં બેસીને નીચી માંડલ ગામ પાસેથી જતો હતો ત્યાકે નાયરાના પંપ પાસે અચાનક ગાય આડી ઉતરતા વાહન સ્લીપ થતા તેને ઇજા થઈ હોય ખાનગી હોસ્પિટલે સારવાર માટે લાવવામાં આવ્યો હતો.