મોરબી નજીક કારખાનાના બાથરૂમમાં અજાણ્યું ઇન્જેક્શન મારીને યુવાને કર્યો આપઘાત

મોરબીના પીપળીયા ચાર રસ્તા નજીક ફગસીયા રોડ ઉપર આવેલ કારખાનામાં રહેતા અને મજૂરી કામ કરતા યુવાને બાથરૂમમાં પોતે પોતાની જાતે કોઈપણ ઇન્જેક્શન મારી લીધું હતું જેથી તે યુવાનનું મોત નીપજ્યું હતું અને ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને યુવાને ક્યુ ઇન્જેક્શન માર્યું હતું ? અને શા માટે માર્યું હતું ? તે દિશામાં આગળની તપાસ ચાલી રહી છે

મોરબીના નવલખી રોડ ઉપર આવેલ પીપળીયા નજીક રોલેક્સો પોલિપેક નામના કારખાનામાં રહેતા અને કામ કરતા બલવીંદર ધીરાસિંહ (27) નામના યુવાને ગઈકાલે મોડી સાંજના સમયે કોઈપણ કારણોસર કારખાનાના બાથરૂમની અંદર પોતે પોતાની જાતે કોઈપણ જાતનું ઇન્જેક્શન મારી લીધું હતું જેથી તે યુવાનનું મોત નીપજ્યું હતું અને ત્યારબાદ તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને મૃત જાહેર કરીને આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ એચ.એમ.ચાવડા દ્વારા કરવામાં આવેલ છે

મારામારીમાં ઈજા થતા સારવારમાં
મોરબીની લીલાપર ચોકડી પાસે આવેલ દ્વારકાધીશ હોટલ નજીક મારામારીના બનાવમાં ઈજા થતાં રામજીભાઈ રાજપુત (૩૩) રહે.લીલાપર ચોકડી પાસે ને ઈજા થતા અત્રે સારવાર માટે લાવવામાં આવ્યો હત.જ્યારે મોરબીના હળવદ રોડ ઉંચી માંડલ પાસે આવેલ સિરામિક કારખાનામાંં મજૂરી કામ કરતા નારણભાઈ લુતનભાઇ પ્રસાદ (૬૫) ને રોડ ઉપરથી જતા વખતે અજાણ્યા બાઇકના ચાલકે હડફેટે લેતા સારવાર માટે લવાયા હતા.