હળવદ અને વાંકાનેરમાં જુદી જુદી બે રેડમાં 319 બોટલ દારૂ ઝડપાયો
Morbi Today
મોરબી નજીક નાસ્તાની દુકાનમાંથી 2.606 કિલો ગાંજા સાથે એક શખ્સની ધરપકડ: 1.16 લાખનો મુદામાલ કબ્જે
SHARE
JOIN OUR GROUP
મોરબી નજીક નાસ્તાની દુકાનમાંથી 2.606 કિલો ગાંજા સાથે એક શખ્સની ધરપકડ: 1.16 લાખનો મુદામાલ કબ્જે
મોરબીના લીલાપરથી નવાગામ તરફ જવાનો રસ્તા ઉપર આવેલ કારખાના પાસે પતરાની દુકાનમાં એસઓજીની ટીમ દ્વારા રેડ કરવામાં આવી હતી ત્યારે ત્યાં સ્થળ ઉપરથી 2.606 કિલો ગ્રામ ગાંજાનો જથ્થો મળી આવ્યો હતો જેથી ગાંજો, રોકડા રૂપિયા, વજન કાંટો, મોબાઈલ વગેરે મળીને 1,16,800 ની કિંમતનો મુદ્દામાલ કબજે કર્યો છે અને મોરબી તાલુકા પોલીસ સ્ટેશન ખાતે એક શખ્સની સામે એનડીપીએસ એક્ટ મુજબ ગુનો નોંધીને પોલીસ આગળની કાર્યવાહી હાથ ધરી છે
મોરબી જિલ્લા એસઓજીની ટીમ પેટ્રોલિંગમાં હતી ત્યારે મોરબીના લીલાપરથી નવાગામ તરફ જવાના રસ્તા ઉપર આવેલ એકવાસેરા સેનેટરીવેર કારખાના સામે પતરાની નાસ્તાની દુકાન આવેલ છે અને ત્યાં ગાંજાનું વેચાણ થતું હોવાની હકીકત મળી હતી જેના આધારે એસઓજીની ટીમ દ્વારા ત્યાં રેડ કરવામાં આવી હતી ત્યારે સ્થળ ઉપરથી નાસ્તાની દુકાનમાંથી ગાંજાનો જથ્થો મળી આવ્યો હતો જેથી એસઓજીની ટીમ દ્વારા 2.606 કિલો ગ્રામ ગાંજાનો જથ્થો તથા ગાંજાનું વેચાણ કરીને મેળવેલા 1400 રૂપિયા, એક વજન કાંટો, એક મોબાઈલ ફોન આમ કુલ મળીને 1,16,800 ની કિંમતનો મુદ્દામાલ કબજે કર્યો હતો અને આરોપી ઉદયભાઇ રામખેલાવન વર્મા રહે. હાલ લીલાપરથી નવાગામ તરફ જવાના રસ્તે એકવાસેરા સેનેટરી કારખાના પાસે મૂળ રહે ઉત્તરપ્રદેશ વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે એનડીપીએસ એક્ટ મુજબ ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે અને આ શખ્સ પાસેથી મળી આવેલ ગાંજાનો જથ્થો તે ક્યાંથી લાવ્યો હતો તે દિશામાં પોલીસ દ્વારા આગળની તપાસ હાથ ધરવામાં આવી છે.
