મોરબીના કમિશનરની હાજરીમાં યુપીએસી-જીપીએસસી અંગે કારકિર્દીલક્ષી સેમિનાર યોજાયો
Morbi Today
પરમાણુ બોમ્બ ફોડયો: મોરબીના 602 જમીન કૌભાંડમાં કલેક્ટરે આપેલ ખાતરી બાદ ફરિયાદીએ 17 શખ્સોના નામ જોગ આપ્યું લેખિત વિશેષ નિવેદન
SHARE
JOIN OUR GROUP
પરમાણુ બોમ્બ ફોડયો: મોરબીના 602 જમીન કૌભાંડમાં કલેક્ટરે આપેલ ખાતરી બાદ ફરિયાદીએ 17 શખ્સોના નામ જોગ આપ્યું લેખિત વિશેષ નિવેદન
મોરબીના વજેપર ગામે આવેલ કરોડો રૂપિયાની જમીનનું ખોટા ડોક્યુમેન્ટ ઊભા કરીને કૌભાંડ કરવામાં આવ્યું છે જેથી કરીને મૂળ માલિક દ્વારા ન્યાય મેળવવા માટે ઠેરઠેર રજૂઆતો કરવામાં આવી રહી છે અને કાનૂની લડાઈ પણ કરવામાં આવી રહી છે તેવામાં ગત શનિવારે મોરબી જિલ્લાના ત્રણ ધારાસભ્યની હાજરીમાં કલેકટરને જમીનના મૂળ માલિક સહિતના પરિવારજનો દ્વારા રજૂઆત કરીને આ કૌભાંડમાં ફરિયાદ લેવામાં આવેલ છે તેની સામે સંતોષ નથી તેવી રજૂઆત કરવામાં આવી હતી અને ત્યાર બાદ કલેકટરે કૌભાંડમાં સંડોવાયેલા કોઈને છોડવામાં નહીં આવે તેવી ભોગ બનેલા પરિવારને ખાતરી આપેલ હતી અને તેઓને પોલીસમાં વિશેષ નિવેદન આપવા માટે કહ્યું હતું જેથી કરીને ભોગ બનેલા વૃદ્ધે શનિવારે સાંજે જ મોરબી એ ડિવિઝન પોલીસ સ્ટેશન ખાતે તેનું 17 શખસોના નામ જોગ લેખિત વિશેષ નિવેદન આપીને પરમાણુ બોમ્બ ફોડયો છે ત્યારે હવે તપાસનીસ અધિકારી તેની તપાસમાં શું બહાર લાવે છે તેના ઉપર સહુ કોઇની નજર મંડાયેલ છે.
મોરબી નજીક આવેલ વજેપર ગામના સર્વે નંબર 602 ની કરોડ રૂપિયાની જમીન જેના મૂળ માલિક બેચરભાઈ ડુંગરભાઇ નકુમ છે અને તેમનું 1999 માં અવસાન થયેલ છે જોકે આજની તારીખે આ જમીનનો કબજો તેમના દિકરા ભીમજીભાઇ બેચરભાઇ નકુમ સહિતના પરિવારજનો પાસે છે અને તે લોકો ખેતી કામ કરે છે તેમ છતાં પણ આ માલિકી વાળી જમીનનું ખોટા ડોક્યુમેન્ટ ઊભા કરીને કૌભાંડ કરવામાં આવ્યું છે તેવી છેલ્લા ઘણા સમયથી ચર્ચા ચાલી રહી હતી અને ત્યાર બાદ મોરબી એ ડિવિઝન પોલીસ સ્ટેશન ખાતે એક મહિલા અને એક સરપંચ સામે નામ જોગ ફરિયાદ નોંધાયેલ છે જો કે, તે બંને આરોપીમાંથી હજુ એક પણ આરોપી પકડવામાં આવેલ નથી. અને પોલીસ વિભાગ દ્વારા જે ફરિયાદ લેવામાં આવી હતી તેની સામે જ ફરિયાદને અસંતોષ હતો જેથી કરીને તેને એસપીથી લઈને મુખ્યમંત્રી સુધી લેખિતમાં રજૂઆત કરેલ હતી ત્યાર બાદ ગત શનિવારે ભોગ બનેલ ફરિયાદીના પરિવારજનોએ કે જે આ જમીનના વારસદારોમાં આવે છે તે કલેક્ટર કચેરીએ પહોચ્યા હતા અને ત્યારે ધારાસભ્ય કાંતિભાઈ અમૃતિયા, ટંકારાના ધારાસભ્ય દુર્લભજીભાઈ દેથરીયા અને વાંકાનેરના ધારાસભ્ય જીતુભાઈ સોમાણીની હાજરીમાં કલેક્ટરને ધગધગતી રજૂઆતો કરી હતી અને તે સમયે ધારાસભ્યોએ પણ અધિકારીનો ઉધડો લીધો હતો.
અત્રે ઉલેખનીય છેકે, છેલ્લા ચાર મહિનામાં અનેક વખત ભોગ બનેલા પરિવારે લેખિત રજૂઆતો કરેલ છે તે ઉપરાંત રાજ્યના મુખ્યમંત્રી અને રાજ્યના પોલીસ વડા સુધી પણ આ વજેપર ગામના સર્વે નંબર 602 માં જે કૌભાંડ ચર્ચામાં છે અને જે તે સમયે ફરિયાદીએ કૌભાંડમાં સંડોવાયેલા 17 શખ્સોની સામે લેખિત ફરિયાદ પોલીસને આપેલ હતી જો કે, પોલીસે ફરિયાદીની ફરિયાદ લીધા પહેલા જ “આનો આમાં રોલ નથી” તેવું કહીને મોટાભાગના નામ કાઢી નાખ્યા હતા અને એક અભણ મહિલા શાંતાબેન મનજીભાઈ પરમાર તેમજ તરઘરી ગામના સરપંચ સાગર અંબારામભાઈ ફુલતરીયા સામે નામ જોગ ફરિયાદ લીધેલ હતી જોકે, અધિકારી સહિતનાઓને છાવરવાનો પ્રયાસ કરવામાં આવ્યો હતો જેથી પોલીસ વિભાગ દ્વારા મૂળ જમીનના માલિકની ફરિયાદ તેના કહેવા મુજબની લેવામાં આવેલ નથી તેવી ધારાસભ્યોની હાજરીમાં કલેક્ટરને રજૂઆત કરવામાં આવી હતી તેમજ મોરબીના પ્રાંત અધિકારી સુશીલ પરમાર સહિતનાઓની આ કૌભાંડમાં સંડોવણી હોવાનો ગંભીર આક્ષેપ જમીનના મૂળ માલિકના પરિવારજનો દ્વારા કરવામાં આવ્યો હતો અને પોલીસ દ્વારા તેઓની સાચી ફરિયાદ લેવામાં આવે તેવી માંગ કરી હતી.
જેથી ભોગ બનેલ ફરિયાદીના પરિવારજનો કલેકટરને રૂબરૂ રજૂઆત કરવા આવ્યા હતા ત્યારે કલેકટર કે.બી.ઝવેરીએ ધારાસભ્યોની હાજરીમાં તેઓની સંપૂર્ણ રજૂઆત સાંભળી હતી તેમજ જમીન કૌભાંડની અંદર સરકારી અધિકારી, ગામના અગ્રણી કે અન્ય કોઈપણ વ્યક્તિ હશે તો કોઈપણ ચમરબંધીને છોડવામાં નહીં આવે અને જે કોઈ લોકો આ જમીન કૌભાંડમાં હશે તેની સામે આકરી કાર્યવાહી કરવામાં આવશે તેવી ખાતરી ભોગ બનેલા પરિવારને આપવામાં આવી છે હતી અને જે ફરિયાદ પોલીસે લીધેલ છે તેની સામે ફરિયાદીને અસંતોષ હોવાથી કલેકટરે તેઓનું વિશેષ નિવેદન પોલીસને આપવા માટે કહ્યું હતું જેથી કરીને ભોગ બનેલા ફરિયાદી ભીમજીભાઈ બેચરભાઈ નકુમ દ્વારા શનિવાર તા 22 ના રોજ સાંજે જ મોરબી એ ડિવિઝન પોલીસ સ્ટેશન ખાતે તેનું લેખિત વિશેષ નિવેદન આપવામાં આવ્યું છે અને તેમાં સરકારી અધિકારી સહિત કુલ મળીને 17 શખ્સોના નામ નાખવામાં આવેલ છે અને આ કૌભાંડમાં તેઓની શું ભૂમિકા છે અને કઈ રીતે આ કૌભાંડ કરવામાં આવ્યું છે તે સહિતની તમામ બાબતો ફરિયાદી તેના વિશેષ નિવેદનમાં લખીને હાલમાં પરમાણુ બોમ્બ ફોડયો છે જો કે, ફરિયાદી કલેકટરના કેવા પછી આપેલા લેખિત વિશેષ નિવેદન આધારે પોલીસ સાચી દિશામાં તપાસ કરશે તો આગામી દિવસોમાં હજુ પણ વધુ કડાકા ભડાકા થવાના સંકેત મળી રહ્યા છે.
