મોરબી નજીક માર્ગ અકસ્માતમાં ઇજા પામેલા એલ.ઇ. કોલેજના વિદ્યાર્થીનું મોત
SHARE
JOIN OUR GROUP
મોરબી નજીક માર્ગ અકસ્માતમાં ઇજા પામેલા એલ.ઇ. કોલેજના વિદ્યાર્થીનું મોત
મોરબીના ભરતનગર ગામ પાસેથી પસાર થતા નેશનલ હાઈવે રોડ ઉપરથી ડબલ સવારી બાઈક પસાર થઈ રહ્યું હતું ત્યારે તે બાઈકને બોલેરો ગાડીના ચાલકે હડફેટે લેતા અકસ્માત થયો હતો જેમાં બાઇક ચાલક યુવાનને પગમાં ઈજા થઈ હતી જ્યારે તેની સાથે બાઈક ઉપર બેઠેલા તેના મિત્રને માથા અને શરીરે ગંભીર ઇજાઓ થઈ હોવાથી તેનું સારવાર દરમિયાન રાજકોટ ખાતે મોત નીપજયું હતું જે બનાવ સંદર્ભે હાલમાં ઇજાગ્રસ્ત યુવાને નોંધાવેલ ફરિયાદ આધારે પોલીસ અજાણી બોલેરો ગાડીના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
જાણવા મળતી માહિતી મુજબ મોરબીના વીસીપરા પાસે આવેલ પટેલ બોર્ડિંગમાં રહેતા મૂળ બોટાદ જિલ્લાના લાઠીદડ ગામના રહેવાસી મીતકુમાર મહેશભાઈ માથોળીયા (18)એ અજાણી સફેદ કલરની બોલેરો ગાડીના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે મોરબી તાલુકાના ભરતનગર ગામ પાસેથી પસાર થતાં નેશનલ હાઈવે રોડ ઉપરથી તે ગત તા 27 ના રોજ બપોરે પોણા ચારેક વાગ્યાના અરસામાં બાઈક નંબર જીજે 13 એમએમ 8543 લઈને પસાર થઈ રહ્યો છે ત્યારે તેની સાથે તેના બાઈક ઉપર તેનો મિત્ર પૂજનભાઈ દિલીપભાઈ રૂડાણી (20) પણ બેઠેલ હતો દરમિયાન બોલેરો ગાડીના ચાલકે તેઓના બાઈકને લીધું હતું જેથી અકસ્માત થયો હતો જે બનાવમાં ફરિયાદીને પગના ભાગે ઇજાઓ થઈ હતી જ્યારે બાઈકમાં પાછળના ભાગે બેઠેલ તેના મિત્ર પૂજનભાઈ રૂડાણીને માથા અને શરીરે ગંભીર ઇજાઓ થયેલ હતી અને અકસ્માત સર્જીને બોલેરો ગાડીનો ચાલક વાહન લઈને સ્થળ ઉપરથી નાસી ગયો હતો જોકે, ઇજાગ્રસ્ત પૂજનભાઈને સારવાર માટે મોરબીથી રાજકોટની ખાનગી હોસ્પિટલમાં લઈ જવામાં આવ્યા હતા અને ત્યાં સારવાર દરમિયાન તેનું મોત નિપજ્યું હતું જેથી આ બનાવની ઈજાગ્રસ્ત યુવાને મોરલી તાલુકો પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે અને વધુમાં મળતી માહિતી મુજબ કચ્છના ગઢશીશા ગામનો રહેવાસી પૂજનભાઈ રૂડાણી મોરબીની એલ.ઇ. કોલેજમાં એન્જીનીયરીંગનો અભ્યાસ કરતો હતો અને એકના એક દીકરનું અકસ્માતમાં મોત નિપજતા રૂડાણી પરિવાર ઉપર આભ ફાટી પડ્યું છે.
