ટંકારાના હરબટીયાળી પાસે ઓવરટેક કરતા ડમ્પરના ચાલકે બાઇકને હડફેટે લેતા દીકરાની નજર સામે માતાનું મોત
Morbi Today
હળવદના કીડી ગામ પાસે ટિફિનમાં રોટલી સારી ન આવતી હોવાનું કહેનાર યુવાન સહિત બેને લાકડી-પાઇપથી ત્રણ શખ્સોએ મારમાર્યો
SHARE
JOIN OUR GROUP
હળવદના કીડી ગામ પાસે ટિફિનમાં રોટલી સારી ન આવતી હોવાનું કહેનાર યુવાન સહિત બેને લાકડી-પાઇપથી ત્રણ શખ્સોએ મારમાર્યો
હળવદના કીડી ગામની સીમમાં મીઠાના ગંજા પાસે ટિફિન મંગાવનાર યુવાને ટિફિનમાં રોટલી સારી ન આવતી હોવાનું કહ્યું હતું જે આરોપીને સારું નહીં લાગતા ત્રણ શખ્સો દ્વારા યુવાનને લાકડીના ધોકા અને પાઇપ વડે માર માર્યો હતો તેમજ સાહેદને શરીરે આડેધડ મારમારીને ઇજાઓ કરી હતી જેથી ઇજાગ્રસ્ત બે યુવાનોને સારવાર માટે હોસ્પિટલે ખસેડવામાં આવ્યા હતા અને ત્યારબાદ હળવદ તાલુકા પોલીસ સ્ટેશન ખાતે ત્રણ શખ્સોની સામે ફરિયાદ નોંધાતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
જાણવા મળતી માહિતી મુજબ મૂળ કચ્છ જિલ્લાના ભચાઉ તાલુકાના હલરા ગામના રહેવાસી અને ડ્રાઇવિંગ કરતા દેવાભાઈ રાણાભાઇ ભૂંભરીયા (40)એ હાલમાં મુન્નાભાઈ મહારાજ રહે. કીડી તથા અજાણ્યા બે માણસો આમ કુલ ત્રણ શખ્સોની સામે ફરિયાદ નોંધાવી છે જેમાં જણાવ્યુ છે કે, હળવદના કીડી ગામની સીમમાં મીઠાના ગંજા પાસે ટિફિન મંગાવ્યું હતું અને તેમાં રોટલી સારી આવતી ન હોવાનું ફરિયાદીએ મુન્નાભાઈ મહારાજને કહ્યું હતું જે બાબતે આરોપીને સારું નહીં લાગતા ત્રણેય આરોપીઓએ ફરિયાદી યુવાનને લાકડાના ધોકા અને પાઇપ વડે માર માર્યો હતો તેમજ સાહેદ જેમાભાઈ રબારીને શરીરને આડેધડ મારમારીને મુંઢ ઇજાઓ કરી હતી જેથી બંને ઇજાગ્રસ્ત યુવાનોને સારવાર માટે હોસ્પિટલે ખસેડવામાં આવ્યા હતા અને ત્યારબાદ દેવાભાઈએ નોંધાવેલ ફરિયાદ આધારે પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે.
જાહેરનામાનો ભંગ
મોરબીમાં ગ્રીન ચોક પાસે મોમાઈ ગોલા નામની દુકાનનો કોઈ ભાડા કરાર કરેલ ન હતો જેથી કરીને કલેકટરના જાહેરનામાનો ભંગ થતો હોય નવઘણભાઈ ભીખાભાઈ રાતડીયા (39) રહે. ખોડાખવાસ શેરી ગ્રીનચોક મોરબી વાળાની સામે ગુનો નોંધીને પોલીસ આગળની રાબેતા મુજબની ખાસ કરી છે.
