મોરબી જીલ્લો 92.91 ટકા સાથે સાયન્સમાં રાજ્યમાં પ્રથમ: સરકારી શાળાનું ઉત્કર્ષ પરિણામ
SHARE
JOIN OUR GROUP
મોરબી જીલ્લો 92.91 ટકા સાથે સાયન્સમાં રાજ્યમાં પ્રથમ: સરકારી શાળાનું ઉત્કર્ષ પરિણામ
ગુજરાત શિક્ષણ બોર્ડ દ્વારા ધો. સાયન્સ અને કોમર્સ પ્રવાહનું પરિણામ જાહેર કરવામાં આવ્યું છે અને તેની સાથે ગુજકેટનું પરિણામ પણ જાહેર કર્યું છે ત્યારે સાયન્સ પ્રવાહમાં મોરબી જિલ્લો સમગ્ર રાજ્યમાં સતત ત્રીજા વર્ષે પ્રથમ ક્રમે આવેલ છે.
હાલમાં જે પરિણામ જાહેર કરવામાં આવેલ છે તેના ઉપર નજર કરીએ તો સાયન્સ પ્રવાહમાં મોરબી જિલ્લાનું પરિણામ 92.91 ટકા આવ્યું છે અને હળવદ કેન્દ્રમાં 488 માંથી 464 વિદ્યાર્થીઓ પાસ થયેલ છે. અને કેન્દ્રનું 95.08 ટકા પરિણામ છે. મોરબી કેન્દ્રમાં 966 માંથી 890 વિદ્યાર્થીઓ પાસ થાય છે અને કેન્દ્રનું 92 13 ટકા પરિણામ છે. વાંકાનેર કેન્દ્રમાં 281 માંથી 258 વિદ્યાર્થીઓ પાસ થયા છે આમ જીલ્લામાં 1735 માંથી 1612 વિદ્યાર્થીઓ પાસ થયા છે જો વિદ્યાર્થીઓને મળેલ ગ્રેડની વાત કરીએ તો A1 ગ્રેડમાં 47 વિદ્યાર્થીઓ, A2 માં ગ્રેડમાં 261 વિદ્યાર્થીઓ, B1 ગ્રેડમાં 435 વિદ્યાર્થીઓ, B2 ગ્રેડમાં 360 વિદ્યાર્થીઓ, C1 ગ્રેડમાં 310 વિદ્યાર્થીઓનો સમાવેશ થાય છે. અત્રે ઉલેખનીય છેકે, ધો. 12 સાયન્સમાં સરકારી શાળાનું ખૂબ જ સારું પરિણામ ચાલુ વર્ષે આવેલ છે જેમાં હળવદની મોડેલ સ્કૂલનું 100 ટકા પરિણામ છે જેમાં 25 વિદ્યાર્થીઓ પાસ છે વાંકાનેર મોડેલ સ્કૂલનું 91.30 ટકા, માળીયા તાલુકાના મોટી બરારની મોડેલ સ્કૂલનું 90.90 ટકા અને મોરબીની વી.સી. હાઈસ્કૂલનું 75 86 ટકા પરિણામ આવ્યું છે.
