વાંકાનેરના મેસરીયા ગામે રહેતા યુવાનનું બાઈક સ્લીપ થયું હતું જેથી તેને પગે અને શરીરે ગંભીર ઇજા થયેલ હતી જેથી તેને સારવાર માટે ખસેડાયો હતો અને ત્યાંથી પરત તેને ઘરે લઈ જતા હતા ત્યારે રસ્તામાં પાછો દુખાવો શરૂ થયો હતો અને બેભાના થઈ જતાં તેને રાજકોટની સરકારી હોસ્પિટલ ખાતે લઈ ગયા હતા અને ત્યાં ચાલુ સારવાર દરમ્યાન તે યુવાનનું મોત નીપજયું હતું જેથી પોલીસે તેની નોંધ કરીને રાબેતા મુજબની કાર્યવાહી કરેલ છે.

જાણવા મળતી માહિતી મુજબ વાંકાનેર તાલુકાના મેસરીયા ગામે રહેતા લાલજીભાઈ ગોવિંદભાઈ સાકરીયા (34) નામના યુવાનનું ગત તા. 3/4/2025 ના રોજ કોઈ કારણોસર બાઈક સ્લીપ થયું હતું જેથી અકસ્માત થયો હતો અને આ બનાવમાં યુવાનને પગે તથા શરીરે ઇજાઓ થયેલ હોવાથી પ્રથમ સારવાર માટે તેને વાંકાનેરની સરકારી હોસ્પિટલે લઈને આવ્યા હતા અને ત્યાંથી વધુ સારવાર માટે રાજકોટની સરકારી હોસ્પિટલ ખાતે લઈ ગયા હતા અને સારવારમાંથી તેઓને પરત ઘરે લઈને આવતા હતા ત્યારે તા. 10/5/25 ના રોજ તેને પાછો દુખાવો ઉપડ્યો હતો અને બેભાન હાલતમાં તેને સારવાર માટે રાજકોટની સરકારી હોસ્પિટલ ખાતે લઈ ગયા હતા અને ત્યાં ચાલુ સારવાર દરમિયાન તેનું મોત નીપજયું હતું જેથી આ બનાવની હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.

ત્રણ બોટલ દારૂ સાથે મહિલા પકડાઇ

મોરબીના લાતી પ્લોટ શેરી નં-8 માંથી પસાર થતી મહિલાને રોકીને પોલીસે ચેક કર્યો હતી ત્યારે તેની પાસેથી દારૂની ત્રણ બોટલ મળી આવી હતી જેથી પોલીસે 900 ની કિંમતની દારૂની બોટલો કબજે કરી હતી અને આરોપી મહિલા જરીનાબેન સલીમભાઈ ભટ્ટી (34) રહે. લાતી પ્લોટ શેરી નં-8 મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે