મોરબી ત્રાજપર ચોકડી પાસે બાઈકને બસ ચાલકે હડફેટે લેતા ઈજાગ્રસ્ત યુવાન રાજકોટ ખસેડાયો મોરબી જલારામ ધામ ખાતે જલારામ બાપાની 227 મી જન્મજયંતિએ કેક કટીંગ સહિતના વિવિધ કાર્યક્રમ યોજાયા મોરબીમાં સાંસદ રાજેશભાઈ ચુડાસમાની હાજરીમાં ભગવાન બિરસા મુંડાજીની ૧૫૧ મી જન્મજયંતિ નિમિત્તે જનજાતિય ગૌરવ દિવસની ઉજવણી કરાઈ મોરબીના મહેન્દ્રનગર ગામે આવેલ રામધન આશ્રમમાં છઠ્ઠ પૂજાની ઉજવણી કરાઇ મોરબીના ટીંબડી ગામ નજીક બે રીક્ષા અથડાતા પાંચ ઈજાગ્રસ્તો સારવારમાં હૈયું હચમચાવી નાખે તેવો વિડીયો: ટંકારા પાસે કારે 8 થી 10 પલટી મારતા કારમાં બેઠેક 2 યુવાન 15 ફૂંટ ઊંચા ઉડીને બાહર ફેંકાયા, વિડીયો થયો વાયરલ વાંકાનેરમાં ઘરના બાથરૂમમાં પડી જવાથી વૃદ્ધનું મોત: હળવદના જુના વેગડવાવ ગામે મંદિરના મકાનમાં ગળાફાંસો ખાઈને આધેડે કર્યો આપઘાત મોરબીના લાલપર ગામ પાસે ટ્રક ટ્રેલરના ચાલકે રિક્ષાને હડફેટે લેતા રીક્ષા ચાલકનું મોત, મુસાફર કાકા-ભત્રીજાને ઈજા થતાં સારવારમાં
Breaking news
Morbi Today

મોરબી ઘુંટુ રોડ ઉપર મશીનના બેલ્ટમાં સાડી આવી જતા મહિલા સારવારમાં


SHARE



































મોરબી ઘુંટુ રોડ ઉપર મશીનના બેલ્ટમાં સાડી આવી જતા મહિલા સારવારમાં

મોરબીના સામાકાંઠે ઘુંટુ રોડ ઉપર રહીને ત્યાં આવેલા સીરામીક કારખાનામાં મજૂરી કામ કરતા રજનીબેન ભેરૂભાઈ ચેરવટી નામના ૨૦ વર્ષના મહિલા મશીન ઉપર કામ કરતા હતા તે દરમિયાન મશીનના બેલ્ટમાં સાડી આવી જવાથી મશીન સાથે અથડાયા હતા અને ગંભીર ઇજાઓ થતા તેઓને શહેરના સામાકાંઠેની ખાનગી હોસ્પિટલે સારવાર માટે લઈ જવામાં આવ્યા હતા.જેથી બનાવ અંગે તાલુકા પોલીસ મથકના પીએસઆઇ એસ.એચ.ભટ્ટ દ્વારા નોંધ કરીને તપાસ કરવામાં આવી હતી.જ્યારે મોરબીના સામાકાંઠે આવેલા ઘુંટુ ગામ નજીકના હરિઓમ પાર્ક વિસ્તારમાં રહેતા દિલીપભાઈ ગોપાલભાઈ (૩૦) તથા વર્ષાબેન દિલીપભાઈ (૨૫) ને ઇજાગ્રસ્ત હાલતમાં અત્રે સિવિલ હોસ્પિટલે સારવાર માટે લાવવામાં આવ્યા હતા.તાલુકા પોલીસ સુત્રોના જણાવ્યા પ્રમાણે નીચી માંડલ ગામ પાસે ટ્રેક્ટર પલ્ટી મારી જવાના બનાવમાં ઇજાગ્રસ્ત હાલતમાં બંનેને ૧૦૮ વડે અત્રેની સિવિલે સારવાર માટે લાવવામાં આવ્યા હતા બનાવને પગલે તાલુકા પોલીસ મથકના નંદરામભાઇ મેસવાણિયા દ્વારા નોંધ કરીને તપાસ કરવામાં આવી હતી.

મારામારીમાં ઇજા

મોરબીના નગર દરવાજા ચોક પાસે થયેલ મારામારીના બનાવમાં ઈજા થતાં સમીરભાઇ રવજીભાઈ કાથરાણી રહે.પખાલી શેરીને ઇજાગ્રસ્ત હાલતમાં સિવિલે સારવાર માટે લઈ જવામાં આવ્યા હતા.જેથી એ ડિવિઝન પોલીસ મથકના તપાસ અધિકારી એસ.એમ.કમોયા દ્વારા નોંધ કરીને તપાસ કરવામાં આવી હતી.જ્યારે હળવદના નવા દેવળિયા ગામે વિનોદભાઈની વાડીએ કોઈ કારણોસર દવાની અસર થતા સજુબેન કિરીટભાઈ નાયક નામની ૨૦ વર્ષીય મહિલાને સારવાર માટે અત્રેની સિવિલ હોસ્પિટલે લાવવામાં આવી હતી.તેમ મોરબી એ ડિવિઝન પોલીસ સુત્રો દ્રારા જણાવાયેલ છે.

યુવાન સારવારમાં

હળવદના માથક ગામે રહેતા દિગ્પાલસિંહ જયપાલસિંહ ઝાલા નામનો ૨૨ વર્ષનો યુવાન બાઈક લઈને જતો હતો ત્યારે માથક ગામ પાસે રસ્તા ઉપર તેનું બાઈક સ્લીપ થઈ જતા ઈજા પામતા તેને અત્રેની ૐ ઓર્થોપેડિક હોસ્પિટલ ખાતે સારવાર માટે લાવવામાં આવ્યો હતો.જ્યારે લીંબડી નજીકના ભલગામડા ગામે રહેતા પ્રિન્સ જયપાલભાઈ ઝિંઝવાડીયા નામના ચાર વર્ષના બાળકને મોરબી નગર દરવાજા ચોક પાસે બાઈક સ્લીપ થવાની ઘટનામાં ઇજા થતા તેને પણ ૐ હોસ્પિટલ ખાતે સારવારમાં લાવવામાં આવ્યો હતો.

રીક્ષા હડફેટે ઇજા

મોરબીની મેઇન પોસ્ટ ઓફિસ નજીક રહેતા નંદલાલભાઈ રવજીભાઈ કાથરાણી નામના ૬૦ વર્ષના વૃદ્ધ અહીંની લુહાર શેરી પાસેથી પગપાળા જતા હતા ત્યાં અજાણ્યા રીક્ષા ચાલકે તેઓને ઠોકર મારતા ઈજા પામ્યા હોય તેઓને સારવાર માટે અત્રે સિવિલ હોસ્પિટલમાં લાવવામાં આવ્યા હતા.જેથી બનાવની જાણ થતા પોલીસ દ્વારા નોંધ કરીને તપાસ કરવામાં આવી હતી.


















Latest News