મોરબીના વજેપરમાં ઘરમાંથી 30 બોટલ દારૂ ઝડપાયો: બે આરોપીની શોધખોળ

મોરબીના વજેપર શેરી નં. 11 માં રહેતા શખ્સનાં ઘરમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની જુદી જુદી બ્રાન્ડની કુલ મળીને 30 બોટલો મળી આવી હતી જેથી પોલીસે 69,240 ની કિંમતનો દારૂ તથા 30 હજાર રૂપિયાની કિંમતનું એક વાહન કુલ મળીને 99,240 ની કિંમતનો મુદ્દામાલ કબજે કર્યો હતો. જોકે રેડ કરવામાં આવી હતી ત્યારે આરોપી હાજર ન હોવાથી હાલમાં પોલીસે બે શખ્સોની સામે મોરબી એ ડિવિઝન પોલીસ સ્ટેશન ખાતે ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના વજેપર શેરી નં. 11 માં રહેતા હાર્દિક ઉર્ફે મદન પ્રભુભાઈ ગજરાના રહેણાંક મકાનમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની જુદી જુદી બ્રાન્ડની કુલ મળીને 30 બોટલો મળી આવી હોય પોલીસે 69,240 ની કિંમતનો દારૂનો જથ્થો કબજે કર્યો હતો તેમજ એક સ્કૂટર નંબર જીજે 3 ડીજે 5010 જેની કિંમત 30,000 રૂપિયા આમ કુલ મળીને 99,240 ની કિંમતનો મુદ્દા માલ કબજે કર્યો હતો જો કે, દારૂની રેડ કરવામાં આવી હતી ત્યારે આરોપી હાજર ન હોવાથી હાલમાં મોરબી એ ડિવિઝન પોલીસ સ્ટેશન ખાતે પોલીસે હાર્દિક ઉર્ફે મદન પ્રભુભાઈ ગજરા રહે. વજેપર શેરી નં. 11 તથા અમિતભાઈ મોહનભાઈ ભાનુશાળી રહે. કાલીકા પ્લોટ મેઇન રોડ મોરબી વાળાની સામે ગુનો નોંધીને પોલીસે બંને આરોપીઓને પકડવા માટે તજવીજ શરૂ કરેલ છે.