મોરબી મનપાની ટીમે ૬૩૯ સ્ટ્રીટ લાઇટની ફરિયાદોનો કર્યો નિકાલ
SHARE
JOIN OUR GROUP
મોરબી મનપાની ટીમે ૬૩૯ સ્ટ્રીટ લાઇટની ફરિયાદોનો કર્યો નિકાલ
મોરબી મહાનગરપાલિકાની ઇલેક્ટ્રિકલ શાખા દ્વારા ટેન્ડર મુજબનું મટિરિયલ આવ્યા બાદ મોરબીમાં લાઈટો ચાલુ કરવાનું તેમજ લાઈટો રીપેર કરવા માટેનું કામ શરૂ કરવામાં આવ્યું છે અને જયા જરૂર લાગે ત્યાં લાઈટો બદલીને નવી લાઈટો નાખવામાં આવી રહી છે તેવામાં મહાપાલિકામાંથી મળતી માહિતી મુજબ તા. ૯ થી ૨૨ સુધીમાં કુલ ૬૩૯ ફરિયાદોનો નિકાલ કરવામાં આવ્યો છે.
મોરબી મહાનગરપાલિકામાં તા. ૨૨ સુધી આવેલ ફરિયાદો પૈકી ઘણી ફરિયાદોનો નિકાલ કરવામાં આવ્યો છે જેમા કુલ આવેલ ફરિયાદો ૪૨૫0 ફરિયાદો પૈકી ૩૩૯૭ ફરિયાદોનો નિકાલ કરવામાં આવેલ છે. જેમાં ૨૫ w ની ૧૧૦૦ નવી લાઇટો નાખવામાં આવી અને તે પૈકી જરૂર જણાતી ૬૦૦ લાઇટો રીપેર કરીને ચાલુ કરવામાં આવી અને ૧૧૦ w ની ૨૦૦ નવી લાઈટો નાખવામાં આવેલ છે જેમાં મોટા ભાગના વિસ્તારો આવરી લેવામાં આવ્યા છે જેવા કે લાયન્સ નગર, રણછોડનગર, લાતી પ્લોટનો મોટાભાગનો વિસ્તાર, ગાયત્રી નગર, ગાંધી સોસાયટી, બુધ નગર, ભડિયાડ રોડ, સો ઓરડી મેં રોડ, સોમૈયા સોસાયટી, રામ પાર્ક, યમુના નગર તથા મોરબી શહેરના મહત્વના રોડ અને અન્ય વિસ્તારોને લાઇટો નાખી તેમજ જરૂર જણાએ બદલી ચાલુ કરવાંમાં આવી છે
