હળવદના સુંદરગઢ ગામે વાડીના સેઢા પાસે જુગાર રમતા 3 પકડાયા: મોરબી નજીકથી દારૂની બે બોટલ સાથે એક પકડાયો

હળવદના સુંદરગઢ ગામની સીમમાં વાડીના સેઢા પાસે જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ત્રણ શખ્સો જુગાર રમતા મળી આવ્યા હોય પોલીસે 15,300 ની રોકડ સાથે આરોપીની ધરપકડ કરી હતી અને હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

હળવદ તાલુકા પોલીસની ટીમ પેટ્રોલિંગમાં હતી દરમિયાન સુંદરગઢ ગામની સીમમાં મેરૂપરથી સુંદરગઢ જવાના રસ્તા ઉપર ઘનશ્યામભાઈની વાડીના શેઢા પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા નટવરભાઈ અમરશીભાઈ નારણીયા (55) રહે. મેરૂપર, ભરતભાઈ હરજીવનભાઈ ભાડજા (42) રહે, મેરૂપર અને હરેશભાઈ રતિલાલ મોટકા (40) રહે. ચંદ્ર પાર્ક સોસાયટી સરા રોડ હળવદ વાળા જુગાર રમતા મળી આવ્યા હતા જેથી પોલીસે 15,300 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે.

બે બોટલ દારૂ સાથે એક પકડાયો

મોરબી તાલુકાના ભડિયાદ કાંટા પાસે રામાપીરના ઢોરા નજીકથી પસાર થઈ રહેલ શખ્સને રોકીને પોલીસે ચેક કરતા તેની પાસેથી દારૂની બે બોટલ મળી આવી હતી જેથી પોલીસે 2600 ની કિંમતની દારૂની બોટલ સાથે ચિરાગભાઈ પ્રવીણભાઈ ઉર્ફે પ્રભુભાઈ કાવર (34) રહે. વેલોજા રંગપર ગામની સીમ મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન હિતેશ ઉર્ફે વિપુલ ઉર્ફે ટકો રાજુભાઈ મુંધવા રહે. મોરબી વાળાનું નામ સામે આવતા બંને સામે ગુનો નોંધીને પોલીસે બીજા આરોપીને પકડવા માટે તજવીજ શરૂ કરી છે.