માળીયા (મી)ના ખીરઈ ગામ પાસે કાર પાછળ ટ્રક અથડાતાં અકસ્માત: વાહનમાં નુકશાન

મોરબી કચ્છ હાઇવે રોડ ઉપર આવેલ ખીરઈ ગામના પાટીયા પાસેથી વૃદ્ધ તેની અલ્ટો ગાડી લઈને પસાર થઈ રહ્યા હતા ત્યારે ટ્રક ચાલકે પાછળથી અલ્ટો ગાડીમાં તેનું વાહન આથડવ્યું હતું જેથી કરીને અકસ્માત થયો હતો જે બનાવમાં અલ્ટો ગાડીમાં નુકસાન થયું હતું જેથી વૃદ્ધે ટ્રક ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

ગાંધીનગરમાં સુર્યા સર્કલ સરઘાસણ ચોકડી પાસે આવેલ વૃંદાવન એપાર્ટમેન્ટ બ્લોક નંબર 505 માં રહેતા મૂળજીભાઈ રામજીભાઈ પનારા (71)એ હાલમાં માળીયા તાલુકા પોલીસ સ્ટેશન ખાતે ટ્રક નંબર જીજે 36 ટી 0353 ના ચાલક સામે ફરિયાદ નોંધાવેલ છે જેમાં જણાવ્યુ છે કે, મોરબી કચ્છ હાઇવે રોડ ઉપર આવેલ ખીરઈ ગામના પાટીયા પાસેથી તેઓ પોતાની અલ્ટો ગાડી નંબર જીજે 12 એકે 9481 લઈને પસાર થઈ રહ્યા હતા ત્યારે ટ્રક ચાલકે પાછળથી તેનો ટ્રક ફરિયાદીની અલ્ટો ગાડીમાં અથડાવ્યો હતો જેથી કરીને અલ્ટો ગાડીમાં નુકસાન થયું હતું આ બનાવ સંદર્ભે વૃદ્ધે નોંધાવેલ ફરિયાદ આધારે પોલીસે ગુનો નોંધી ટ્રક ચાલકને પકડવા માટે તજવીજ શરૂ કરેલ છે.

કેરોસીન પી લેતા સારવારમાં

વાંકાનેર તાલુકાના માટેલ રોડ ઉપર આવેલ રેસી સેનેટરીના લેબર કવાર્ટરમાં રહેતા અને મજૂરી કામ કરતા કુમકુમબેન મહેન્દ્રભાઈ (19)એ કોઈ કારણોસર કેરોસીન પી લેતા તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને પોલીસને આ બનાવની જાણ કરવામાં આવી હતી

મહિલા સારવારમાં

મોરબીના સાદુળકા ગામે રહેતા વર્ષાબેન અજયભાઈ (27) નામના મહિલા લક્ષ્મીનગર ગામ પાસેથી પગપાળા ચાલીને જઈ રહ્યા હતા દરમિયાન કોઈ અજાણ્યા બાઈક ચાલકે તેને હડફેટે લેતા અકસ્માત થયો હતો જે બનાવમાં ઇજા પામેલ મહિલાને સારવાર માટે હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે.