મોરબીમાં ઘર પાસે બેઠેલા યુવાનને માથામાં પથ્થર મરનારા શખ્સની સામે ગુનો નોંધાયો
SHARE
JOIN OUR GROUP
મોરબીમાં ઘર પાસે બેઠેલા યુવાનને માથામાં પથ્થર મરનારા શખ્સની સામે ગુનો નોંધાયો
મોરબીના યોગીનગર વિસ્તારમાં યુવાનને તેના જ ઘર પાસે બેઠો હતો ત્યારે તે શખ્સે માથાના ભાગે પથ્થરનો ઘા માર્યો હતો જે બાનવનો સીસીટીવી કેમેરાનો વિડીયો પણ વાયરલ થયો હતો આ બનાવમાં ઇજા પામેલા યુવાને નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરી છે.
મોરબીમાં કુબેર ટોકીઝ પાસે આવેલ યોગીનગર વિસ્તારમાં રહેતા ભાવેશભાઈ રતિભાઈ અગેચાણીયા નામનો યુવાન સોમવારે રાતે સાડા આઠ વાગ્યે પોતાના ઘર પાસે ખુરશી રાખીને બેઠો હતો ત્યારે ત્યાં લારી પાસે ઉભેલા અનિલ કોળી નામના શખ્સ દ્વારા પોતાના હાથમાં જમીન ઉપર પડેલ પથ્થર ઉપાડીને ભાવેશભાઇને માથાના ભાગે પથ્થર માર્યો હતો જેથી ભાવેશભાઈને માથાના ભાગે ગંભીર ઇજા થઈ હોવાના કારણે તેને તાત્કાલિક સારવાર માટે હોસ્પિટલ લઈ ગયા હતા અને આ બનાવ અંગેની હોસ્પિટલ મારફતે બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી. આ બનાવ સંદર્ભે ભાવેશભાઈ રતિલાલભાઈ અગેચાણીયા (30)એ હાલમાં અનિલભાઈ સનુરા સામે મોરબી એ ડિવિઝન પોલીસ સ્ટેશનમાં ફરિયાદ નોંધાવેલ છે જેમાં જણાવ્યુ છે કે, સાત દિવસ પહેલા આરોપી સાથે બોલાચાલી થયેલ હતી જે બાબતનો ખાર રાખીને આરોપી અનિલભાઈએ ભાવેશભાઈને માથાના ભાગે પથ્થરનો ઘા માર્યો હતો જેથી ભાવેશભાઈને માથામાં ટાંકા આવ્યા હતા અને ફ્રેક્ચર જેવી ઈજા થયેલ છે હાલમાં ભોગ બનેલા યુવાને નોંધાવેલ ફરિયાદ આધરે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
