મોરબીના મોડપર નજીક ટ્રક ચાલકે બાઇકને હડફેટે લેતા વાંકાનેરના યુવાનનું મોત

મોરબી તાલુકાના મોડપર ગામના પાટીયા પાસે ટ્રક ચાલકે બાઇકને હડફેટે લેતા વાહન અકસ્માતનો બનાવ બન્યો હતો જે બનાવમાં વાંકાનેરના યુવાનને માથાના ભાગે ગંભીર ઇજા થઈ હતી જેથી તે યુવાનનું મોત નીપજયું હતું અને ત્યારબાદ તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસ સ્ટેશન ખાતે જાણ કરવામાં આવી હતી

વાંકાનેરમાં આવેલ ગુજરાત હાઉસિંગ બોર્ડમાં રહેતા વિકાસભાઈ મુનેશભાઈ દીક્ષિત (26) નામનો યુવાન મોરબી તાલુકાના મોડપર ગામના પાટીયા પાસેથી બાઇક લઈને જઇ રહ્યો હતો ત્યારે ત્યાં ટ્રક ચાલકે તેના બાઇકને હડફેટે લેતા વાહન અકસ્માતનો બનાવ બનેલ હતો જે બનાવમાં યુવાનને માથાના ભાગે ગંભીર ઈજા થઈ હોવાથી તેનું મોત નીપજ્યું હતું અને ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે આ બનાવની આગળની વધુ તપાસ જી.પી.મારૂણીયા ચલાવી રહ્યા છે

અકસ્માતમાં ઇજા

માળીયા મીયાણા તાલુકાના ખાખરેચી ગામે રહેતા સાગરભાઇ ઘોઘજીભાઈ મીરાણી (20) અને રાહુલ ઘોઘજીભાઈ મીરાણી (17) નામના બે વ્યક્તિઓ પાવળીયારી કેનાલ પાસે આવેલ ક્રિસ્ટોક કારખાના પાસેથી બાઈકમાં જઈ રહ્યા હતા ત્યારે બાઈક અને કાર વચ્ચે અકસ્માત થયો હતો તે બનાવમાં ઈજા પામેલ બંને વ્યક્તિઓને સારવાર માટે હોસ્પિટલે લઈ ગયા હતા અને આ બનાવની પોલીસને જાણ કરવામાં આવી છે

મોરબીના શોભેસ્વર રોડ ઉપર રહેતા રમજાનભાઈ અસ્લમભાઈ જેડા (23) નામનો યુવાન બાઈક લઈને બેલા ગામ નજીકથી પસાર થઈ રહ્યો હતો ત્યારે ત્યાં ટ્રક ચાલકે બાઈકને હડફેટે લેતા અકસ્માત થયો હતો જે બનાવમાં ઇજા પામેલ યુવાનને સારવાર માટે મોરબીની ખાનગી હોસ્પિટલમાં લાવ્યા હતા અને આ બનાવની પોલીસને જાણ કરવામાં આવી છે