મોરબીમાં મોબાઇલ ફોનમાં લુડો ગેમ ઉપર જુગાર રમતા બે શખ્સો ઝડપાયા
Morbi Today
હળવદની સરા ચોકડી પાસેથી ગૌરક્ષકોએ કતલખાને લઈ જવાતા 35 અબોલજીવ ભરેલું આઇસર પકડ્યું: ગુનો નોંધાયો
SHARE
JOIN OUR GROUP
હળવદની સરા ચોકડી પાસેથી ગૌરક્ષકોએ કતલખાને લઈ જવાતા 35 અબોલજીવ ભરેલું આઇસર પકડ્યું: ગુનો નોંધાયો
હળવદની સરા ચોકડી પાસેથી પસાર થઈ રહેલા આઇસરને ગૌરક્ષકો દ્વારા પોલીસની હાજરીમાં રોકીને ચેક કરવામાં આવ્યું હતું ત્યારે તેમાંથી 35 જેટલા અબોલજીવ મળી આવ્યા હોય તેને ઘાસચારો કે પાણીની કોઈપણ વ્યવસ્થા રાખ્યા વગર અને કોઈ પણ પ્રકારની પરમીટ કે પ્રમાણપત્ર મેળવ્યા વગર કુરતાપૂર્વક બાંધીને કતલખાને લઈ જવામાં આવી રહ્યા હોય તેવું સામે આવ્યું હતું જેથી હાલમાં આ બનાવ સંદર્ભે હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે.
ધાંગધ્રા ખાતે શીતળા માતાજી રોડ ઉપર રહેતા અનોપસિંહ મુળુભા ઝાલા (51) એ હાલમાં હળવદ તાલુકા પોલીસ સ્ટેશન ખાતે જાવીદખાન ઈકબાલખાન (35) રહે મૂળ ઉત્તરપ્રદેશ હાલ રહે નારોલ અમદાવાદ વાળાની સામે ફરિયાદ નોંધાવી છે જેમાં હળવદની સરા ચોકડી પાસેથી આરોપી પોતાના હવાલા વાળું આઇસર નંબર જીજે 15 વાય વાય 5757 લઈને પસાર થઈ રહ્યો હતો જેને ગૌરક્ષકો દ્વારા પોલીસની હાજરીમાં રોકીને ચેક કરવામાં આવ્યું હતું ત્યારે તેની પાછળના ભાગમાં કોઈપણ પ્રકારની પરમીટ કે આધાર પુરાવા વગર દોરડા વડે બાંધીને ઘાસચારાની કોઈપણ પ્રકારની વ્યવસ્થા વગર કુરતાપૂર્વક 35 અબોલજીવને બાંધીને કતલખાને લઈ જવામાં આવી રહ્યા હોવાનું સામે આવ્યું હતું જેથી 70 હજાર રૂપિયાની કિંમતના અબોલજીવ તથા બે લાખ રૂપિયાની કિંમતનું વાહન આમ કુલ મળીને 2.70 લાખ રૂપિયાની કિંમતમાં મુદ્દામાલ કબજે કરવામાં આવ્યો હતો અને પોલીસ દ્વારા આરોપીને પકડીને આગળની રાબેતા મુજબની કાર્યવાહી હાથ ધરવામાં આવી છે
વરલી જુગાર
માળીયા મીણામાં મોટી બજાર પાસે વરલી જુગારની રેડ કરવામાં આવી હતી ત્યારે ત્યાં સ્થળ ઉપરથી કરસનભાઈ સુરજભાઈ પરસોંડા (24) રહે. માળિયા મીયાણા વાળો વરલી જુગારના આંકડા લેતા મળી આવેલો હોય પોલીસે 320 રૂપિયાની રોકડ સાથે તેની ધરપકડ કરી હતી અને માળિયા તાલુકા પોલીસ સ્ટેશન ખાતે ગુનો નોંધાયો છે.
