મોરબીના જાંબુડીયા ગામે સગપણ તોડી નાખવાની વાતનો ખાર રાખીને હુમલો: 4 સામે ફરિયાદ

મોરબીના જાંબુડીયા ગામે રહેતા યુવાનના દિકરા અને દિકરીનું રફાળેશ્વર ગામે રહેતા પરિવારના દીકરા અને દીકરી સાથે સામ સામે સગપણ કરાવવામાં આવ્યું હતું અને ત્યારબાદ સગાઈ તોડી નાખવામાં આવી હતી જે બાબતનો ખાર રાખીને સામે વાળાઓએ માર મારી કરી હતી ત્યારે યુવાનને ડાબી આંખ પાસે પથ્થર મારીને ગંભીર ઇજા કરી હતી તથા અન્ય બે વ્યક્તિઓને ચાર શખ્સોએ લાકડાના ધોકા વડે માર્યો હતો જેથી ઈજાગ્રસ્તોને સારવાર માટે હોસ્પિટલે લઇ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે ચાર શખ્સોની સામે ગુનો નોંધીએ આરોપીઓને પકડવા માટે તજવીજ શરૂ કરી છે. 

મોરબીના નવા જાંબુડીયા ગામે સલાટવાસમાં રહેતા અબ્દુલભાઈ કાળુભાઈ ભરવાડીયા (40)એ હાલમાં ભોલાભાઈ બાબુભાઈ સલાટ રહે. વાંકાનેર મહમદભાઈ બાબુભાઈ સલાટ, કિશનભાઇ અજીતભાઈ સલાટ અને નવઘણ ઉર્ફે કાળુ મહમદભાઈ સલાટ રહે. બધા પાનેલી રોડ રફાળેશ્વર વાળાની સામે ફરિયાદ નોંધાવેલ છે જેમાં તેને જણાવ્યું છે કે, તેઓના દીકરા દીકરીનું મહમદભાઈ બાબુભાઈ સલાટના દીકરા દીકરી સાથે સામસામે સગપણ કરેલ હતું અને ત્રણ-ચાર દિવસ પહેલા સગાઈ તોડી નાખી હતી  જેથી ભોલાભાઈએ ફરિયાદીને પથ્થર મારીને ડાબી આંખ પાસે ગંભીર ઇજા કરી હતી જ્યારે સાહેદ સંજયભાઈ અને રાહુલભાઈને ચારેય આરોપીઓએ લાકડાના ધોકા વડે મારમારીને શરીરે ઇજા કરી હતી જેથી સંજયભાઈને મોઢાના ભાગે ફેકચર જેવી ઈજા થઈ હતી આ બનાવમાં ઇજા પામેલા લોકોને સારવાર માટે હોસ્પિટલે લઈ ગયા હતા અને ત્યાર બાદ હાલમાં યુવાને નોંધાવેલ ફરિયાદ આધારે પોલીસે ચાર શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે