મોરબી મહાનગરપાલિકા ચૂંટણી: પૂર્વ પ્રમુખ લલીતભાઈ કામરીયાએ અપક્ષ ઉમેદવારી નોંધાવી
SHARE
JOIN OUR GROUP
મોરબી મહાનગરપાલિકા ચૂંટણી: પૂર્વ પ્રમુખ લલીતભાઈ કામરીયાએ અપક્ષ ઉમેદવારી નોંધાવી
મોરબીમાં આવનારી મહાનગરપાલિકાની ચૂંટણીને લઈને રાજકીય ગરમાવો વધતો જોવા મળી રહ્યો છે. મોરબી નગરપાલિકાના પૂર્વ પ્રમુખ લલીતભાઈ કામરીયાને ભાજપમાંથી ટિકિટ આપવામાં આવી નથી જેથી તેઓએ આજે વોર્ડ નંબર 8 માંથી અપક્ષ ઉમેદવારી નોંધાવી છે.
મોરબી નગરપાલિકાના પૂર્વ પ્રમુખ લલીતભાઈ કામરીયા દ્વારા ભાજપમાંથી ટિકિટની માંગણી કરવામાં આવી હતી જોકે, ભાજપ તરફથી ટિકિટ ન મળતા લલીતભાઈ કામરીયાએ સ્વતંત્ર રીતે ચૂંટણી લડવાનો નિર્ણય કર્યો છે. તેઓ વર્ષ 2013 થી 2015 દરમિયાન મોરબી નગરપાલિકાના પ્રમુખ તરીકે સેવાઓ આપી ચૂક્યા છે. આજે તેઓએ અપક્ષમાં ઉમેદવારી કરતા સ્થાનિક રાજકારણમાં ગરમાવો આવી ગયો છે અને વોર્ડ નંબર 8 માં મજબૂત પકડ ધરાવતા લલિતભાઇ કામરીયાની અપક્ષ ઉમેદવારીને કારણે વોર્ડ નંબર 8માં ચૂંટણી રસપ્રદ બનવાની શક્યતા વ્યક્ત કરવામાં આવી રહી છે. તેમની ઉમેદવારીથી ભાજપ અને અન્ય પક્ષોના સમીકરણો પર પણ અસર પડી શકે છે.
