માળીયા (મી)ના ચીખલી વરડુસર ગામે વાડીમાંથી 20 લીટર ડીઝલ સહિતના મુદ્દામાલની ચોરી
SHARE
JOIN OUR GROUP
માળીયા (મી)ના ચીખલી વરડુસર ગામે વાડીમાંથી 20 લીટર ડીઝલ સહિતના મુદ્દામાલની ચોરી
માળીયા મીયાણા તાલુકાના ચીખલી વરડુસર ગામને આવેલ વાડીની ઓરડીમાં તસ્કરોએ ધામ નાખ્યા હતા અને ત્યાંથી તસ્કરોએ 20 લીટર ડીઝલ, 9 મણ ઘઉં, બે હોર્સ પાઇપના બંડલ સહિતના મુદ્દા માલની ચોરી કરેલ છે જેથી ખેડૂત દ્વારા આ બનાવની માળિયા તાલુકા પોલીસ સ્ટેશન ખાતે લેખિતમાં ફરિયાદ આપવામાં આવતા પોલીસે આગળની કાર્યવાહી હાથ ધરી છે.
માળીયા મીયાણા તાલુકાના ચીખલી વરડુસર ગામે રહેતા જગદીશભાઈ ભલાભાઇ દેગામાએ હાલમાં માળિયા તાલુકા પોલીસને ચોરીના બનાવ સંદર્ભે જાણ કરીને લેખિતમાં ફરિયાદ આપેલ છે જેમાં જણાવ્યુ છે કે, તેઓની વાડીની ઓરડીએ રાખવામાં આવેલ બે હોર્સ પાઇપના બંડલ, 20 લીટર ડીઝલ, 9 મણ જેટલા ઘઉં, પાણીનો એક દેડકો અને દવા છાંટવાનો એક પંપ કોઈ અજાણ્યા શખ્સ દ્વારા ચોરી કરવામાં આવેલ છે જેથી વાડીએથી ડીઝલ સહિતના મુદ્દામાલની ચોરી કરનારા શખ્સને પકડીને તેની સામે કાયદેસરની કાર્યવાહી કરવામાં આવે તેના માટે લેખિત ફરિયાદ આપેલ છે
