હળવદ ટ્રક ચાલકે બાઇકને હડફેટે લેતા પિતા-પુત્રને ઇજા: સારવાર દરમ્યાન બાળકનું મોત

હળવદની સરા ચોકડી પાસે ડબલ સવારી બાઇકને ટ્રક ચાલકે લેતા અકસ્માતનો બનાવ બન્યો હતો અને આ બનાવમાં બાઈક ઉપર જઈ રહેલા પિતા અને પુત્રને ઇજાઓ થઈ હતી તે પૈકી આઠ વર્ષના બાળકને ગંભીર ઇજા થઈ હોવાથી તેનું સારવાર દરમિયાન મોત નીપજયું હતું આ બનાવમાં મૃતક બાળકના પિતાની ફરિયાદ લઈને પોલીસે ટ્રક સામે ગુનો નોંધીને આરોપીને પકડવા માટે તજવીજ શરૂ કરેલ છે

મૂળ નર્મદા જિલ્લાના રહેવાસી અને હાલમાં હળવદ તાલુકાના રાણેકપર ગામે રસિકભાઈ પટેલની વાડીએ રહીને મજૂરી કામ કરતા સંજયભાઈ ચંદુભાઈ ભીલ (38)એ ટ્રક નંબર જીજે 12 બીઝેડ 9082 ના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે હળવદની સરા ચોકડી પાસે આવેલ ક્રોસ રોડ હોટલ પાસેથી તેઓ પોતાનું બાઈક નંબર જીજે 23 બીએચ 6469 લઈને પસાર થઈ રહ્યા હતા ત્યારે તેમનો દીકરો કલ્પેશ (8) પણ તેની સાથે બાઈક ઉપર બેઠેલો હતો દરમિયાન ટ્રક ચાલકે તેના બાઇકને હડફેટે લેતા અકસ્માતનો બનાવ બન્યો હતો જે બનાવમાં ફરિયાદીને ઇજાઓ થઈ હતી જ્યારે તેના દીકરાને ગંભીર ઈજા થઈ હોવાના કારણે તેને તાત્કાલિક સારવાર માટે લઈ ગયા હતા અને સારવાર દરમિયાન કલ્પેશ નું મોત નીપજયું હતું જે બનાવ સંદર્ભે મૃતક બાળકના પિતાની ફરિયાદ લઈને પોલીસે ટ્રક ચાલક સામે ગુનો નોંધી આગળની કાર્યવાહી હાથ ધરી છે