મોરબીના રાજપર ગામે ગૌમાતાના લાભાર્થે જરાસંઘનો વધ નાટક અને વિજુડી ટીમનું કોમિક યોજાશે
SHARE
JOIN OUR GROUP
મોરબીના રાજપર ગામે ગૌમાતાના લાભાર્થે જરાસંઘનો વધ નાટક અને વિજુડી ટીમનું કોમિક યોજાશે
મોરબી તાલુકાના રાજપર ગામે શ્રી રાજપર ગૌશાળા ચેરીટેબલ ટ્રસ્ટ દ્વારા નિરાધાર ગૌમાતાના સદકાર્યના લાભાર્થે ભવ્ય ધાર્મિક અને સાંસ્કૃતિક કાર્યક્રમનું આયોજન કરવામાં આવ્યું છે.
આ કાર્યક્રમ સંવત ૨૦૮૨ના ભાદરવા વદ અમાસ, શનિવાર તા. ૧૦ ઓક્ટોબર ૨૦૨૬ના રોજ રાત્રે ૯:૩૦ કલાકે રાજપર ગામ ખાતે યોજાશે. પ્રસંગે નકલંક ધામ-બગથળાના પ.પૂ. શ્રી દામજીભગત ઉપસ્થિત રહી આશીર્વચન પાઠવશે.
કાર્યક્રમમાં ઐતિહાસિક નાટક ‘જરાસંઘનો વધ’નું ભવ્ય મંચન કરવામાં આવશે. સાથે જ પ્રખ્યાત કલાકાર વિજુડી અને તેમની ટીમ દ્વારા હાસ્યરસથી ભરપૂર કોમિક રજૂ કરવામાં આવશે, જેથી ધાર્મિક વાતાવરણ સાથે મનોરંજનનો પણ સંગમ સર્જાશે.
આ સમગ્ર કાર્યક્રમનું યુટ્યુબના માધ્યમથી લાઈવ પ્રસારણ પણ કરવામાં આવશે. ગૌસેવાના આ પવિત્ર કાર્યમાં સહભાગી બની સદકાર્યમાં યોગદાન આપવા માટે શ્રી રાજપર ગૌશાળા ચેરીટેબલ ટ્રસ્ટ દ્વારા ગૌભક્તો, ધર્મપ્રેમીઓ અને દાતાઓને મોટી સંખ્યામાં ઉપસ્થિત રહેવા હાર્દિક આમંત્રણ પાઠવવામાં આવ્યું છે.
