ટંકારા તાલુકાના હડમતિયામાં જમીન દબાણની ધારાસભ્યની આગેવાનીમાં રજૂઆત
Morbi Today
મોરબીમાં અખિલ ભારતીય ચારણ-ગઢવી મહાસભા યુવા દ્વારા આવેદનપત્ર દેવાયું
SHARE
JOIN OUR GROUP
મોરબીમાં અખિલ ભારતીય ચારણ-ગઢવી મહાસભા યુવા દ્વારા આવેદનપત્ર દેવાયું
ભારતીય રાષ્ટ્રીય કોંગ્રેસના રાષ્ટ્રીય પ્રવક્તા રણદીપ સુરજેવાલા દ્વારા ચારણ સમાજને "રાવણોના ચારણ" એવી અભદ્ર ટિપ્પણી કરવામાં આવી હતી તેની સામે સમગ્ર ભારત વર્ષમાં ચારણ સમાજ રોષે ભરાયો છે. અને રાષ્ટ્રીય પ્રવક્તા આવી અભદ્ર ટીપ્પણી બદલ ચારણ સમાજની માફી માંગે એ માટે રાષ્ટ્રીય કોંગ્રેસના અધ્યક્ષને સમગ્ર ભારતના ચારણોએ આવેદન આવવાનું શરૂ કર્યું છે. ત્યારે અખિલ ભારતીય ચારણ-ગઢવી મહાસભા યુવાનોની મોરબીની ટીમ ના અધ્યક્ષ ડો. કિશોરદાન ગઢવીની આગેવાનીમાં મોરબી જિલ્લા કોંગ્રેસ પ્રમુખ અને ધારાસભ્ય લલીતભાઈ કગથરાને રૂબરૂ મળીને આવેદન પાઠવીને સુરજેવાલા જાહેરમાં આવી મીડિયા સમક્ષ ચારણ સમાજની માફી માંગે તેવી પ્રબળ માંગણી કરી છે અને જો માફી નહીં માંગવામાં આવે તો આગામી સમયમાં ગાંધી ચિંધ્યા માર્ગે આંદોલન કરવામાં આવશે તેવી ચીમકી ઉચ્ચારી છે. આ તકે મોરબી જિલ્લા અધ્યક્ષ ડો.કિશોરદાન ગઢવી, તાલુકા અધ્યક્ષ દિનેશભા ગુઢડા, પ્રવક્તા સંજયભા ગઢવી, ચારણ સમાજના માજી પ્રમુખ પ્રભાતદાન મિશણ, ઉપાધ્યક્ષ મહેશદાન ગઢવી, આઇટી પ્રભારી વિજયભા રતન, મીડિયા પ્રભારી મેહુલભા ગઢવી વગેરે ઉપસ્થિત રહ્યા હતા.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
