વાંકાનેરના વીડી જાંબુડીયા નજીકથી 1.950 કિલો ગાંજા સાથે એક શખ્સની ધરપકડ: 1.22 લાખનો મુદામાલ કબ્જે

વાંકાનેર તાલુકાના વીડી જાંબુડીયા ગામ પાસેથી બાઈક લઈને પસાર થઈ રહેલ શખ્સને પોલીસ દ્વારા રોકીને ચેક કરવામાં આવ્યો હતો ત્યારે તેની પાસેથી 1 કિલો 950 ગ્રામ ગાંજાનો જથ્થો મળી આવતા પોલીસે ગાંજો તથા વાહન મળીને 1.22 લાખથી વધુની કિંમત નો મુદ્દામાલ કબજે કર્યો હતો અને આરોપીને પકડીને તેની સામે એનડીપીએસ એક્ટ હેઠળ વાંકાનેર તાલુકા પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી હતી

વાંકાનેર તાલુકા પોલીસની ટિમ પેટ્રોલિંગમાં હતી ત્યારે વીડી જાંબુડીયા ગામ પાસેથી બાઈક નંબર જીજે 36 એ એન 1746 લઈને એક શખ્સ પસાર થઈ રહ્યો હતો ત્યારે તેને પોલીસ દ્વારા રોકવામાં આવ્યો હતો અને તે શખ્સને પોલીસ દ્વારા ચેક કરવામાં આવ્યો હતો ત્યારે તેની પાસેથી 1 કિલો 950 ગ્રામ ગાંજાનો જથ્થો મળી આવ્યો હતો જેથી કરીને પોલીસે 97,500 ની કિંમતનો ગાંજાનો જથ્થો તથા 25,000 ની કિંમતમાં વાહન આમ પોલ મળીને 1,22,500 ની કિંમતનો મુદ્દામાલ કબ્જે કર્યો હતો અને આરોપી દેવરાજભાઈ મનજીભાઈ ચૌહાણ (43) રહે. ચરાડવા તાલુકો હળવદ વાળાની ધરપકડ કરી હતી અને તેની સામે વાંકાનેર તાલુકા પોલીસ સ્ટેશન ખાતે એનડીપીએસ એક્ટની કલમ હેઠળ ગુનો નોંધીને પોલીસ આગળની કાર્યવાહી હાથ ધરી હતી