મોરબીના ખેવારિયા ગામે જાહેરમાં જુગાર રમતા પાંચ પકડાયા

14-02-2022 10:43 AM

મોરબીના ખેવારિયા ગામે જાહેરમાં જુગાર રમતા પાંચ પકડાયા

મોરબી તાલુકાના ખેવારિયા ગામે બાપા સીતારામની મઢૂલી પાસે જાહેરમાં જુગાર રમતા હોવાની બાતમી મળી હતી જેના આધારે મોરબી તાલુકા પોલીસ ટીમ દ્વારા ત્યાં જુગારની રેડ કરવામાં આવી હતી અને ત્યારે સ્થળ ઉપરથી પાંચ શખ્સો જુગાર રમતા મળી આવ્યા હતા જેથી પોલીસે ૩૦૧૦ ની રોકડ કબજે કરીને આરોપીની ધરપકડ કરી હતી અને તેની સામે જુગારધારા હેઠળ ગુનો નોંધી કાયદેસરની કાર્યવાહી કરવામાં આવી છે

જાણવા મળતી વિગત પ્રમાણે મોરબી તાલુકાના ખેવારિયા ગામે બાપા સીતારામની મઢૂલી પાસે જાહેરમાં જુગાર રમતા હોવાની મોરબી તાલુકા પોલીસને બાતમી મળી હતી જેના આધારે રેડ કરી હતી ત્યારે પ્રવિણસિંહ બાબુભા જાડેજા, હંસરાજભાઈ મનજીભાઈ જીવાણી, સુરેશભાઈ મૂળજીભાઈ શેરસીયા, નારણભાઈ લાખાભાઈ સુસરા અને મનજીભાઈ કાનજીભાઈ સધરાકીયા જાહેરમાં જુગાર રમતા મળી આવ્યા હતા માટે પોલીસે તેની પાસેથી ૩૦૧૦ રૂપિયાની રોકડ કબજે કરી હતી અને તેઓની સામે મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધીને આગળની રાબેતા મુજબની કાર્યવાહી હાથ ધરેલ છે

અકસ્માતમાં ઇજા

મોરબી હળવદ હાઈવે ઉપર ઘુટુ ગામથી આગળ ના ભાગમાં લક્ષ્મણભાઈ માયાભાઈ ઉર્ફે માત્રાભાઇ મુંધવા જાતે ભરવાડ (ઉમર ૪૭) રહે. શોભેશ્વર રોડ વાણીયા સોસાયટીવાળા પોતાનું બાઇક નંબર જીજે ૧૩ કયુંકયું ૬૦૭૦ લઈને જઈ રહ્યા હતા ત્યારે આઈસર ટ્રક નંબર જીજે ૩૬ વી ૦૦૪૨ ના ચાલકે પાછળથી બાઇકને હડફેટે લીધું હતું જેથી બાઈક ચાલક લક્ષ્મણભાઈ મુંધવા રોડ ઉપર નીચે પટકાયા હતા અને તેને કાનના ભાગે તેમજ ડાબા હાથની કોણી અને કાંડાના ભાગે ગંભીર ઇજા થવાથી તેને સારવાર માટે ખસેડવામાં આવ્યા હતા અને સારવાર લીધા બાદ હાલમાં લખમણભાઇ મુંધવાએ ઘટના સ્થળે અકસ્માત સર્જીને પોતાનું વાહન છોડીને નાસી ગયેલા આઇસર ટ્રકના ચાલકની સામે ફરીયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.