મોરબી પાલિકાના ઇતિહાસમાં પહેલી વખત બની આ ઘટના !: પત્રકારોને માહિતી આપવામાં માર્યા લોચા ?
Morbi Today
મોરબી પાલિકામાં ભાજપની સત્તાના ૧૩ મહિના પછી પણ મહિલા સભ્યોને નથી ઓળખતા પાલિકાના કર્મચારી !
SHARE
JOIN OUR GROUP
ભાજપની સત્તા આવ્યાના ૧૩ મહિના પછી પણ મહિલા સભ્યોને પાલિકાના કર્મચારી ઓળખતા નથી !
મોરબી પાલિકામાં ભાજપની સત્તા આવી તેને ૧૩ મહિના કરતાં વધુ સમય થઈ ગયો છે તેમ છતાં પણ મોરબી પાલિકાની અંદર ફરજ બજાવતા કર્મચારીઓ આજની તારીખે મોરબી પાલિકાના જુદા જુદા વોર્ડની અંદરથી ચૂંટાયેલ ભાજપના મહિલા સભ્યોમાંથી મોટાભાગના મહિલા સભ્યોને પાલિકાનો સ્ટાફ ઓળખતો નથી તેવો ઘાટ પાલિકાની બજેટ બેઠકમાં જોવા મળ્યો હતો કારણ કે મોટા ભાગના મહિલા સભ્યોને તેઓનાં નામ પાલિકાના સ્ટાફે પૂછવા પડ્યા હતા જે રીતે અન્ય સભ્યોને તે લોકો સામે આવતાની સાથે ઓળખી જાય છે તેવી જ રીતે મહિલા સભ્યોને કેમ નથી ઓળખતા તે સૌથી મોટો પ્રશ્ન છે અને સૂત્રોના કહેવા મુજબ કહેવા પૂરતી જ સભ્યો માટે મહિલા અનામત છે જો કે, ચૂંટાયા પછી કામ કરવા મહિલા સભ્યના પતિદેવો કે પછી તેના પરિવારજનો જ આવતા હોય છે જેથી પાલિકાના કર્મચારીઓ મહિલા સભ્યોને ઓળખતા નથી તે હક્કિત છે
પાલિકાની બોર્ડ બેઠકમાં વીજડી બની વેરાણા
મોરબી નગરપાલિકામાં ઘણા સમય બાદ બોર્ડ બેઠક બોલાવવામાં આવી હતી અને તેમાં એકી સાથે નગરપાલિકાના તમામ સભ્યો હાજર રહ્યા હતા કારણ કે પોતાના વિસ્તારની અંદર નાના-મોટા કામ થશે તેવી તમામને અપેક્ષા હતી જો કે આ બજેટ બેઠક શરૂ કરવાના સમયે જ વીજપુરવઠો ખોરવાઈ ગયો હતો અને ત્યારે દશેરાએ ઘોડું ન દોડતા પાલિકાનું જનરેટર પણ ચાલુ થયું ન હતું જેથી કરીને અંધારામાં બોર્ડ ચાલુ કરવી પડી હતી અને થોડીવાર બાદ વીજ પુરવઠો ચાલુ થયો હતો પરંતુ વારંવાર વીજ પુરવઠો ખોરવાતા પાલિકાના બજેટમાં બેઠકની અંદર વીજળી વેરણ બની હોય તેવો ઘાટ જોવા મળ્યો હતો
