મોરબી જીલ્લાની મેડિકલ કોલેજ મુદે ગાંધીનગરમાં કમિશ્નરને આરટીઆઈ હેઠળ અરજી કરીને માહિતી માંગવામાં આવી
Morbi Today
મોરબીમાં યુવાને મકાન માટે ૪.૯૦ લાખ મિત્રને આપેલા જેનો ચેક રિટર્ન થવાના કેસમાં આરોપીને એક વર્ષની સજા
SHARE
JOIN OUR GROUP
મોરબીમાં યુવાને મકાન માટે ૪.૯૦ લાખ મિત્રને આપેલા જેનો ચેક રિટર્ન થવાના કેસમાં આરોપીને એક વર્ષની સજા
મોરબીમાં યુવાને પોતાના મિત્રને મકાન લેવા માટે મદદરૂપ થવા રોકડા રૂપિયા ૪.૯૦ લાખ આપ્યા હતા જે રકમ જરૂરિયાત હોય તેને પરત માંગતા તેના મિત્રએ ચેક આપ્યો હતો જે બેંકમાં નાખતા તે ચેક પરત ફર્યો હતો જેના લીધે ભોગ બનેલા યુવાને કોર્ટમાં ફરિયાદ નોંધાવી હતી જેમાં કોર્ટે ડબલ રકમ નવ ટકા વ્યાજ સાથે પરત કરવા તેમજ એક વર્ષની સાદી કેદની સજા ફટકારી છે અને જો રકમ ભરવામાં કશુર કરે તો વધુ ૯૦ દિવસની સજા કરી છે
વધુમાં જાણવા મળતી વિગતો મુજબ મોરબીના મહેન્દ્રપરા મેઈન રોડ ઉપર રહેતા નુરૂદિન શાહબુદ્દીનભાઈ રૈયાણી નામના યુવાને મિત્રતાના દાવે પોતાના મિત્ર રાહુલ રસિકભાઈ વાઘેલા રહે. વીસીપરા મોરબી વાળાને મકાન લેવા માટે રૂપિયા ૪.૯૦ લાખ આપ્યા હતા અને બાદમાં પોતાને જરૂર પડતાં તે રકમ તેણે પોતાના મિત્ર રાહુલ વાઘેલા પાસે પરત માંગી હતી જે રકમ માટે રાહુલભાઈ દ્વારા ચેક આપવામાં આવ્યો હતો અને તે ચેક ફરિયાદીએ બેંકમાં જમા કરાવતા ચેક રિટર્ન થયો હતો તે બાબતે નુરુદ્દીનભાઈ રૈયાણીએ રાહુલ વાઘેલા વિરુદ્ધ કોર્ટમાં નેગોશીએબલ એકટ મુજબ ગુનો દાખલ કરાવ્યો હતો અને તે કેસ મોરબીની કોર્ટમાં ચાલી જતા ફરિયાદી નુરુદ્દીનભાઈના વકીલ ચેતનભાઈ સોરીયા અને એસ.કે. પરમાર દ્વારા કરવામાં આવેલ ધારદાર દલીલોને અંતે કોર્ટ દ્વારા ઉપરોક્ત કેસમાં રાહુલ વાઘેલાને તકસીરવાન ઠેરાવવામાં આવ્યો હતો અને તેના એક વર્ષની સાદી કેદની સજા ફટકારવામાં આવેલી છે તેમજ કોર્ટ દ્વારા ચેકની રકમ ૪.૯૦ લાખને બદલે ડબલ રકમ એટલે કે ૯.૮૦ લાખ નવ ટકા વ્યાજ સાથે ચૂકવવા હુકમ કર્યો છે અને જો રકમ ચૂકવવામાં કસુર કરવામાં આવે તો આરોપીને વધુ ૯૦ દિવસની સાદી કેદની સજા કોર્ટે ફટકારી છે આ કેસમાં ફરિયાદી પક્ષેથી વકીલ ચેતનભાઈ સોરીયા અને એસ.કે. પરમાર રોકાયેલા હતા.
