ટંકારાનાં હરબટીયાળી ગામ પાસે લકઝરીના ચાલકે બાઇકને હડફેટે લેતા વૃદ્ધનું મોત
SHARE
JOIN OUR GROUP
ટંકારાનાં હરબટીયાળી ગામ પાસે લકઝરીના ચાલકે બાઇકને હડફેટે લેતા વૃદ્ધનું મોત
મોરબી રાજકોટ હાઇવે ઉપર આવેલ ટંકારા તાલુકાનાં હરબટીયાળી ગામના પાટીયા પાસે લકઝરી ટ્રાવેલ્સ બસના ચાલકે બાઇકને હડફેટે લીધું હતું જેથી કરીનેબાઈક ચલાવતા વૃદ્ધને ગંભીર ઇજા થયેલ હોવાથી તેનું મોત નીપજયું હતું જેથી મૃતકના દીકરાએ હાલમાં ટંકારા તાલુકા પોલીસે સ્ટેશન ખાતે બસના ચાલક સામે ફરિયાદ નોંધાવી હતી જેથી કરીને પોલીસે ગુનો નોંધીને આરોપીની ધરપકડ કરીને આગળની કાર્યવાહી કરેલ છે
બનાવની જાણવા મળતી માહિતી મુજબ રાજકોટ ગાંધી સ્મૃતી સોસાયટી પેડક રોડ ઉપર રહેતા કલ્પેશભાઇ લવજીભાઇ ગઢીયા જાતે.પટેલ (૩૨) એ હાલમાં લકઝરી બસ રજી નં એઆર ૦૧ ટી ૮૯૬૯ ના ચાલક ઘમંડારામ ગોમારામ ગોડારા જાતે જાટ (૩૦) રહે. ખુડલા તાલુકો સેંધરી જીલ્લો બાડમેર વાળાની સામે ફરિયાદ નોંધાવી છે જેમાં તેને જણાવ્યુ છે કે, મોરબી રાજકોટ હાઇવે હરબટીયાળીના પાટીયા પાસે લકઝરી ટ્રાવેલ્સ બસના ચાલકે પોતાના હવાલા વાળી ગફલત ભરી રીતે ચલાવી હતી અને ફરિયાદી યુવાનના પિતા લવજીભાઇ ભીમજીભાઇ ગઢીયા (૫૮) બાઇક નંબર જીજે ૩ જેએસ ૭૭૮૯ લઇને જતા હતા તેને ઠોકરી મારી અકસ્માત કરી કપાળ, મોઢા, કમર, પેટ તથા ડાબા હાથે કોણીના ભાગે તથા ડાબા પગની એડીના ભાગે ગંભીર ઇજાઓ પહોચાડી મોત નીપજવ્યું હતું જેથી કરીને પોલીસે હાલમાં ઇ.પી.કો કલમ ૨૭૯, ૩૦૪ (અ) એમ.વી. એકટ ૧૭૭, ૧૮૪ મુજબ ગુનો નોંધીને આરોપીને પકડીને આગળની કાર્યવાહી કરેલ છે
