મોરબીની ક્રિષ્ના હોસ્પિટલના ડોક્ટરોએ હૃદય બંધ થઈ ગયેલા પેશન્ટને આપ્યું નવજીવન
Morbi Today
મોરબીના જુના બસ સ્ટેન્ડ પાસેથી અપહરણ થયેલ બાળક ભચાઉથી હેમખેમ મળ્યો: ચોકાવનારો ખુલાસો
SHARE
JOIN OUR GROUP
મોરબીના જુના બસ સ્ટેન્ડ પાસેથી અપહરણ થયેલ બાળક ભચાઉથી હેમખેમ મળ્યો: ચોકાવનારો ખુલાસો
મોરબીના જુના બસ સ્ટેન્ડ પાસે સર્કસનો ખેલ કરવા માટે સગીર બાળક તેની કૌટુંબિક ભાભી સાથે આવ્યો હતો ત્યારે તેનું અપહરણ કરવામાં આવ્યું હોવાની ભોગ બનેલ બાળકની બહેન દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસ દ્વારા અપહરણનો ગુનો નોંધીને બાળકને શોધવા માટે થઈને કવાયત શરૂ કરવામાં આવી હતી અને હાલમાં આ બાળક ભચાઉ ખાતેથી મળી આવ્યો છે અને બાળકનું કોઈએ અપહરણ કર્યું ન હતું પરંતુ તે ભચાઉની બસમાં બેસીને ત્યાં ચાલ્યો ગયો હોવાનું પોલીસની પ્રાથમિક તપાસમાં સામે આવ્યું છે
બનાવની જાણવા મળતી માહિતી મુજબ મૂળ છતીસગઢના બિલાસપુર જિલ્લાના પછપેડી ગામની રહેવાસી અને હાલમાં મોરબીના નવલખી રોડ ઉપર સીએનજી પમ્પની બાજુમાં ઝૂંપડામાં રહેતી કરણ રામકુમાર રામખેલાવન જાતે નટ બજાનીયા (૧૯) એ મોરબી સીટી એ ડિવિઝન પોલીસ સ્ટેશન ખાતે તેના ભાઈના અપહરણની ફરિયાદ નોંધાવેલ હતી કે તેનો નાનો ભાઈ ધર્મેન્દ્ર (ઉંમર ૧૩.૭) મોરબી શહેરમાં આવેલ જુના બસ સ્ટેશન પાસે તેની કૌટુંબિક ભાભી ધનબાઈ સાથે રસ્સી અને ઢોલક સાથે સર્કસના ખેલ કરવા માટે થઈને ગયો હતો અને બપોરના ત્રણેક વાગ્યાના અરસામાં કોઈએ તેનું અપહરણ કર્યું હતુ જેથી કરીને ભોગ બનેલ બાળકની બહેન દ્વારા મોરબી સીટી એ ડિવિઝન પોલીસ સ્ટેશન ખાતે અપહરણની ફરિયાદ નોંધવામાં આવતા પોલીસે બનાવની ગંભીરતાને સમજીને તાત્કાલિક અપહરણનો ગુનો નોંધી સગીર બાળકને શોધવા માટે અને અપહરણ કરનારને પકડવા માટે જુદી જુદી દિશામાં તપાસ શરૂ કરેલ હતી અને મોરબી જિલ્લાના એસપી રાહુલ ત્રિપાઠીના માર્ગદર્શન મુજબ આ બાળકને શોધવા માટેની તપાસ ચાલી રહી હતી દરમિયાન મોરબી જિલ્લા એલસીબીના પીઆઇ દીપક ઢોલ અને તેની ટીમને મળેલ બાતમી આધારે ભચાઉ ચાર રસ્તા પાસેથી ધર્મેન્દ્ર હેમખેમ મળી આવ્યો છે અને તેની પ્રાથમિક પૂછપરછમાં એવી વિગત સામે આવી છે કે તેનું કોઈએ અપહરણ કર્યું ન હતું પરંતુ તે મોરબીના જુના બસ સ્ટેન્ડ થી ભચાઉની બસમાં બેસી ગયો હતો અને ભચાઉ સુધી પહોંચી ગયો હતો હાલમાં પોલીસે એ ડિવિઝન પોલીસ સ્ટેશન ખાતે નોંધાયેલ અપહરણના આ બનાવનો ભેદ ઉકેલી નાખ્યો છે અને આગળની કાર્યવાહી હાથ ધરી છે
