રાજ્યમાં વ્યાજબી ભાવનાં પરવાનેદારોએ પડતર પ્રશ્નોને ઉકેલવા બનાવ્યું ત્રીજા સંગઠ્ઠન
Morbi Today
મોરબીમાં કાકાના ઘરે જતી સગીરાને કાળનો ભેટો
SHARE
JOIN OUR GROUP
મોરબીમાં કાકાના ઘરે જતી સગીરાને કાળનો ભેટો
મોરબીના ભડિયાદ રોડ ઉપર આવેલ જંગલેશ્વર વિસ્તારમાં રહેતી સગીરા તેના ઘરેથી કાકાના ઘરે જતી હતી ત્યારે નઝરબાગ રેલવે સ્ટેશન પાસે રેલ્વે ટ્રેકને ઓળંગતા સમયે ડેમુ ટ્રેનની હડફેટે આવી ગઈ હતી જેથી કરીને તે સગીરાનું મોત નીપજ્યું હતું અને આ બનાવની મોરબી સિટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી કરી છે
બનાવની જાણવા મળતી માહિતી મુજબ મોરબીના ભડિયાદ રોડ ઉપર આવેલ જંગલેશ્વર વિસ્તારમાં વિનોદભાઇ ડાભીની દીકરી જીગુબેન ઉર્ફે જીગ્નાશાબેન (૧૬) સોમવારે સવારે સોઓરડી વિસ્તારમાં રહેતા તેના કાકાના ઘરે જઇ રહી હતી ત્યારે મોરબીના સામાકાંઠે નઝરબાગ રેલવે સ્ટેશન નજીક સવારે ૧૦ વાગ્યાના અરસામાં રેલ્વે ટ્રેક ક્રોસ કરી રહી હતી ત્યારે વાંકાનેરથી મોરબી બાજુ આવતી ડેમુ ટ્રેનની હડફેટે આવી ગઈ હતી જેથી કરીને તેનું મોત નીપજ્યું હતું. જેથી તેના મૃતદેહને મોરબી સિવિલ હોસ્પિટલે લઈ ગયા હતા અને આ બનાવની મોરબી સિટી બી ડિવિઝન પોલીસ સ્ટેશનને જાણ કરવામાં આવતા પોલીસે બનાવની નોંધ કરીને આગળની કાર્યવાહી કરેલ છે
