રાજસ્થાનના બ્યાવર પોલીસ સ્ટેશનમાં નોંધાયેલ અપરણના બનાવમાં ભોગ બનનાર સગીરા અને આરોપી મોરબીમાંથી મળ્યા
Morbi Today
મોરબીના પંચાસર રોડે બાઇક આડે ગાય ઉતરતા અકસ્માત: ઇજા પામેલ વૃદ્ધ દંપતી સારવારમાં
SHARE
JOIN OUR GROUP
મોરબીના પંચાસર રોડે બાઇક આડે ગાય ઉતરતા અકસ્માત: ઇજા પામેલ વૃદ્ધ દંપતી સારવારમાં
મોરબી શહેરના પંચાસરા રોડ ઉપરથી વૃદ્ધ પોતાના પત્નીને બાઈકમાં પાછળ બેસાડીને પસાર થઈ રહ્યા હતા ત્યારે તેઓના બાઈકની આડે અચાનક ગાય આવી હતી જેથી ગાય સાથે બાઇક અથડાતાં અકસ્માતનો બનાવ બન્યો હતો અને તેમાં દંપતીને ઈજા થઈ હોવાથી તેને મોરબીની ખાનગી હોસ્પિટલમાં સારવાર માટે લઈને આવેલ છે અને આ બનાવની એ ડિવિઝન પોલીસને જાણ કરતા પોલીસે બનાવની નોંધ કરીને આગળની કાર્યવાહી કરેલ છે
બનાવની જાણવા મળતી વિગત પ્રમાણે મોરબીની પંચાસર ચોકડી પાસે આવેલ ડાઢાની વાડી ખાતે રહેતા કાનજીભાઈ ભીમજીભાઇ હડિયલ (૫૯) પોતાના પત્ની લક્ષ્મીબેન ભીમજીભાઇ (૫૭) ને બાઈકમાં પાછળના ભાગે બેસાડીને મોરબીના પંચાસર રોડ ઉપરથી પસાર થઈ રહ્યા હતા ત્યારે તેઓના બાઈકના આડે ગાય ઉતરતા ગાય સાથે બાઇક અથડાયું હતું અને જેથી બંનેને સારવાર માટે મોરબીની મધુરમ હોસ્પિટલ ખાતે લઈને આવ્યા હતા અને આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી હતી
ફિનાઇલ પીધું
મોરબીમાં ગઢની રાંગ પાસે આવેલ ભરવાડ શેરીમાં રહેતી કાજલબેન વિજયભાઈ ભરવાડ (૩૦) નામની મહિલા કોઈ કારણોસર ફીનાઇલ પી ગઈ હતી જેથી તેને સારવાર માટે મોરબીની મંગલમ હોસ્પિટલ ખાતે ખસેડવામાં આવી છે અને આ બનાવની મોરબી સીટી એ ડિવિઝન પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
અકસ્માતમાં ઇજા
માટેલ રોડ ઉપર આવેલ તુલસી પેટ્રોલ પંપ પાસે વાહન અકસ્માતનો બનાવ બન્યો હતો જેમાં એમપીના કલ્યાણપુર ગામના રહેવાસી મડીયાભાઈ કાલુભાઈ પરમાર (૪૧) નામના યુવાનને ઇજા થઈ હતી જેથી ઇજાગ્રસ્ત હાલતમાં તે યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવની સ્થાનિક પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
