મોરબી ડો.મનિષ સનારીયાની આંતરરાષ્ટ્રીય કોન્ફોરન્સમાં ચેરપર્સન તરીકે નિમણુંક
Morbi Today
મોરબીના નવાડેલા રોડે ઘરમાંથી નવ બોટલ દારૂ સાથે એક પકડાયો, એકની શોધખોળ
SHARE
JOIN OUR GROUP
મોરબીના નવાડેલા રોડે ઘરમાંથી નવ બોટલ દારૂ સાથે એક પકડાયો, એકની શોધખોળ
મોરબી શહેરના નવા ડેલા રોડ ઉપર આવેલ રહેણાક મકાનમાં પોલીસે દારૂની રેડ કરી હતી ત્યારે ઘરમાંથી દારૂની નવ બોટલ મળી આવી હતી જેથી પોલીસે દારૂ તથા મોબાઈલ મળીને ૮૩૭૫ ની કિંમતનો મુદામાલ કબજે કર્યો હતો અને આરોપીની ધરપકડ કરી હતી જોકે વધુ એક શખ્સનું નામ સામે આવ્યું હોય તેની સામે પણ ગુનો નોંધી તેને પકડવા માટે પોલીસે તજવીજ શરૂ કરેલ છે.
જાણવા મળતી માહિતી મુજબ મોરબીના નવાડેલા રોડ ઉપર અશોક પાનની બાજુમાં રહેતા હિતેશ ઉર્ફે મોઢિયો ધોળકિયાના ઘરની અંદર દારૂનો જથ્થો હોવાની બાતમી મળી હતી જેના આધારે એલસીબીની ટીમ દ્વારા તેના ઘરની અંદર દારૂની રેડ કરવામાં આવતા ઘરમાંથી દારૂની નવ બોટલ મળી આવી હતી જેથી પોલીસે દારૂ તથા પાંચ હજાર રૂપિયાની કિંમતનો મોબાઇલ આમ કુલ મળીને ૮૩૭૫ રૂપિયાની કિંમતના મુદ્દામાલ સાથે હિતેશ ઉર્ફે મોઢિયો ચંદ્રકાંતભાઈ ધોળકિયા જાતે મોદી (૩૩) રહે. નવાડેલા રોડ અશોક પાનની બાજુમાં મોરબી વાળાની ધરપકડ કરેલ છે અને તેની પાસેથી સાબીર કાસમાણી રહે.પંચાસર રોડ મોરબી વાળાનું નામ સામે આવ્યું હોય તેને પકડવા માટે પોલીસે તજવીજ શરૂ કરેલ છે.
દવા પી જતા સારવારમાં
મોરબીના પીપળી ગામ નજીક રહેતા દિવ્યેશ પ્રભુભાઈ પટેલ નામના ૩૨ વર્ષીય યુવાને પીપળી ગામે કોઈ અગમ્ય કારણોસર ઝેરી દવા પી લીધી હતી જેથી કરીને તેને ખાનગી હોસ્પિટલે સારવાર માટે લાવવામાં આવ્યો હતો બનાવને પગલે હોસ્પિટલ સૂત્રો તરફથી તાલુકા પોલીસને જાણ કરવામાં આવેલી હોય તાલુકા પોલીસ મથકના મહિલા એએસઆઇ જિજ્ઞાસાબેન કણસાગરાએ બનાવના કારણ અંગે આગળની તપાસ હાથ ધરી હતી.
વાહન અકસ્માતમાં ઈજા
મોરબીના નવલખી રોડ ઉપર આવેલ મફતપરા વિસ્તારમાં રહેતો રાહુલ દીપકભાઇ ભાંગેરીયા નામનો ૧૫ વર્ષીય સગીર મોરબીના રેલ્વે સ્ટેશન પાસે આવેલ સર્કલ નજીક હતો ત્યાં તેને વાહન અકસ્માતમાં ઈજા થયેલી હોય તેને સિવિલ હોસ્પિટલે સારવાર માટે ખસેડાયો હતો જ્યાંથી પોલીસને જાણ કરાતા એ ડિવીઝન પોલીસ મથકના હરેશભાઈ ચાવડાએ આ અંગે નોંધ કરીને આગળની તપાસ હાથ ધરી હતી.
