મોરબીની રીયલ ક્રિકેટ એકેડમી ખાતે ૨૬ મી માર્ચના રોજ અન્ડર-૧૬ ક્રિકેટરોનું સિલેક્શન કરાશે
SHARE
JOIN OUR GROUP
મોરબીની રીયલ ક્રિકેટ એકેડમી ખાતે ૨૬ મી માર્ચના રોજ અન્ડર-૧૬ ક્રિકેટરોનું સિલેક્શન કરાશે
મોરબીની રીયલ ક્રિકેટ એકેડમી દ્વારા મોરબી જિલ્લાના અન્ડર-૧૬ ક્રિકેટરો માટે સિલેક્શનનું આયોજન કરવામાં આવ્યું છે અને આ સિલેકશન આગામી તારીખ ૨૬ માર્ચના રોજ કરવામાં આવેશ અને આ સિલેક્શનનો હેતું RPL સિઝન-૧ માં વધુમાં વધુ ક્રિકેટર્સ ભાગ લે તેવો છે.
આગામી તારીખ ૨૬ માર્ચને રવિવારના રોજ સાંજે ૪ થી ૭ વાગ્યા સુધી રીયલ ક્રિકેટ એકેડમી, એસપી રોડ, મોરબી ખાતે સિલેક્શન હાથ ધરવામાં આવશે. આ માટે મોરબી જિલ્લાના વધુમાં વધુ ખેલાડીઓ ભાગ લઈ પોતાની આવડત બતાવે તે માટે અનુરોધ કરાયો છે.
આ સિલેક્શન માટે આવતા ખેલાડીઓએ ફરજિયાત સફેદ ડ્રેસ પહેરવાનો રહેશે. આ ઉપરાંત સાથે જન્મ તારીખનો દાખલો, આધારકાર્ડ અને ૧ ફોટો સાથે લાવવાનો છે અને તા ૧ સપ્ટેમ્બર ૨૦૦૭ પછી જન્મેલા ક્રિકેટરો જ આ સિલેક્શનમાં ભાગ લઈ શકશે. અને વધુ માહિતી માટે ૯૯૯૮૩ ૧૩૮૮૫ ઉપર સંપર્ક કરવા જણાવાયું છે
