મોરબી જિલ્લાના આ ગામમાં મુખ્યમંત્રી રૂપાણીએ રાજીનામુ આપતા ફૂટયા ફટાકડા !

રાજ્યના મુખ્યમંત્રી વિજયભાઈ રૂપાણીએ તેના પદ ઉપરથી રાજીનામું આપ્યું છે ત્યારે અકે બાજુ નવા મુખ્યમંત્રી કોણ હશે તેની ચર્ચા કરવામાં આવી રહી છે તો બીજી બાજુએ મુખ્યમંત્રી રૂપાણીએ રાજીનામુ આપતા મોરબી જિલ્લાના માળીયા મિયાણા તાલુકાના સુલતાનપુર ગામના ખેડૂતોએ ફટાકડા ફોડી ખુશી વ્યકત કરી હતી

માળીયા(મી)ના સરપંચના દીકરા ભાવેશભાઈ વિડજાએ માહિતી આપતા જણાવ્યુ હતું કે, મુખ્યમંત્રી રૂપાણીએ રાજીનામુ આપતાની સાથે જ ગામમાં ખેડૂતો સહિતના લોકોએ ફટાકડા ફોડયા હતા અને ખેડૂતો પાણી માટે હેરાન હતા છતાં પણ સિચાઈ માટેનું પાણી મળતું ન હતું ત્યારે મુખ્યમંત્રી વિજયભાઈ રૂપાણીએ રાજીનામુ આપતા ખેડૂતોએ ખુશી વ્યક્ત કરવા માટે ફટાકડા ફોડીને વિડીયો બનાવીને સોશિયલ મીડિયામાં તેને વાયરલ કર્યો હતો