પારકી પીડા: હળવદના નવા દેવળીયામાં ઝઘડો રોકવા ગયેલા યુવાન ઉપર છરી વડે હુમલો, જાનથી મારી નાખવાની ધમકી
Morbi Today
માળીયા (મી)માં પત્ની રિસામણે બેઠેલ હોય જમાઈએ સસરા ઉપર કર્યો છરી વડે હુમલો
SHARE
JOIN OUR GROUP
માળીયા (મી)માં પત્ની રિસામણે બેઠેલ હોય જમાઈએ સસરા ઉપર કર્યો છરી વડે હુમલો
માળીયા મીયાણામાં વાગડિયા જાપા પાસે આવેલ સર્વિસ સ્ટેશન નજીકથી વૃદ્ધ પસાર થતા હતા ત્યારે તેની દીકરી રિસામણે બેઠેલી હોય તેનો ખાર રાખીને જમાઈએ ઉશ્કેરાઈ જઈને તેની સાથે જપાજપી કરી હતી અને ગાળો આપીને છરી વડે હુમલો કરીને હાથમાં ઇજા કરી હતી તેમજ જાનથી મારી નાખવાની ધમકી આપી હતી જેથી કરીને ભોગ બનેલા વૃદ્ધ દ્વારા સારવાર લીધા બાદ તેના જમાઈ સામે માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળી કાર્યવાહી હાથ ધરી છે
બનાવની જાણવા મળતી માહિતી પ્રમાણે માળિયા મીયાણામાં આવેલ પીપળીયાવાસ બાપુની ડેલી પાસે રહેતા જુમાભાઇ ભારાભાઈ મોવર જાતે મિયાણા (૬૨) એ તેના જમાઈ યાસીન જુસબભાઈ જામ રહે. માળીયા મીયાણા વાળાની સામે ફરિયાદ નોંધાવી છે જેમાં તેણે જણાવ્યું છે કે, તેઓની દીકરી રિસામણે બેઠેલ છે તે બાબતનું મનદુઃખ રાખીને તેના જમાઈએ વાગડીયા ઝાપા પાસે આવેલ નેકમહમદભાઈના સર્વિસ સ્ટેશન પાસે જાહેરમાં તેઓની સાથે ઝપાઝપી કરી હતી અને ગાળો આપીને તેની પાસે રહેલ છરી વડે હુમલો કર્યો હતો અને ડાબા હાથમાં ઇજા કરીને જાનથી મારી નાખવાની ધમકી કરી આપી હતી જેથી કરીને ભોગ બનેલા વૃદ્ધે સારવાર લીધા બાદ હાલમાં તેના જમાઈ સામે માળિયા મીયાણા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે
