વાંકાનેર યાર્ડ પાસેથી દારૂની ૧૦ બોટલ સાથે એક શખ્સ ઝડપાયો

વાંકાનેર નજીક રાજાવડલા રોડ ઉપર યાર્ડ પાસે પ્લાસ્ટિકના કોથળામાં દારૂની બોટલ રાખીને એક શખ્સ દારૂનું વેચાણ કરતો હોવાની વાંકાનેર સીટી પોલીસને બાતમી મળી હતી જેથી કરીને સિટીની ટીસે ત્યાં દારૂની રેડ કરી હતી ત્યારે દારૂનો કોથળો મૂકીને અંધારામાં ભગવા ગયેલા શખ્સને પકડીને પોલીસે કોથળાને ચેક કર્યો હતો ત્યારે તેમાંથી દારૂની ૧૦ બોટલ મળી આવી હતી જેથી કરીને પોલીસે ૪૦૦૦ રૂપિયાની કિંમતની દારૂની બોટલો કબજે કરીને આરોપીની ધરપકડ કરીને વાંકાનેર સિટી પોલીસ સ્ટેશન ખાતે ગુનો નોંધીને આરોપી પાસેથી મળી આવેલ દારૂ તે કયાંથી લઈને આવ્યો હતો તે દિશામાં પોલીસે તપાસ શરૂ કરી છે

જાણવા મળતી માહિતી મુજબ વાંકાનેર સિટી પોલીસ સ્ટેશનના કૃષ્ણરાજસિંહ ઝાલા, હરપાલસિંહ પરમાર, ધર્મરાજભાઈ કીડીયા, દિવ્યરાજસિંહ ઝાલા નાઈટ પેટ્રોલિંગમાં હતા ત્યારે કૃષ્ણરાજસિંહ અને દિવ્યરાજસિંહને મળેલ બાતમી આધારે વાંકાનેર નજીક રાજાવડલા રોડ ઉપર યાર્ડની સામેના ભાગમાં દારૂની રેડ કરવામાં આવી હતી ત્યારે મળેલ બાતમી મુજબનો શખ્સ ત્યાં પ્લાસ્ટિકનો કોથળો લઈને ઊભો હતો જે પોલીસને જોઈને પોતાની પાસે રહેલ પ્લાસ્ટિકનો કોથળો છોડીને અંધારામાં નાસી ગયો હતો જો કે, પોલીસે તેનો પીછો કરીને તેને ઝડપી લીધો હતો અને તેનું નામ વિપુલભાઈ બાબુભાઈ ગમારા જાતે ભરવાડ (૨૪) રહે. રાજાવડલા તાલુકો વાંકાનેર વાળો હોવાનું સામે આવ્યું હતું જેથી કરીને પોલીસે તેની અટકાયત કરી હતી અને તેની પાસે રહેલ પ્લાસ્ટિકનો કોથળો ચેક કરવામાં આવતા તેમાંથી દારૂની ૧૦ બોટલ મળી આવી હોય પોલીસે ૪૦૦૦ રૂપિયાની કિંમતની દારૂની બોટલો કબજે કરીને આરોપીની ધરપકડ કરી આગળની રાબેતા મુજબની કાર્યવાહી હાથ ધરી છે