મોરબી અને માળિયા તાલુકાના ચાર રોડ માટેનું કામ મંજૂર

મોરબી અને માળિયા તાલુકાના લોકોની સુખાકારીમાં વધારો થાય તેના માટે હાલમાં મોરબી અને માળીયાના ધારાસભ્ય કાંતિભાઈ દ્વારા સતત રજૂઆતો કરવામાં આવે છે ત્યારે આ બંને તાલુકાનાં નવા ચાર રોડ માટેના કામને મંજુરી આપવામાં આવી છે

મોરબી માળીયાના ધારાસભ્ય કાંતિભાઈ અમૃતિયાએ માહિતી આપતા જણાવ્યુ છે કે, મોરબી તાલુકાના ધરમપુર સાદુળકા વચ્ચેનો ૪ કિલોમીટરનો રોડ ૧.૮૦ કરોડ, એન.એચ. ટૂ અમરનગર એપ્રોચ રોડ ૦.૮૦ કિમી ૯૦ લાખ, એસ.એચથી નાના દહીંસરા અને વીરપરડાનો બે કિલોમીટરનો રોડ ૬૦ લાખ અને એન.એચ. ટૂ રવાપર (નદી) એપ્રોચ રોડ ૫ કિલોમીટરનો રોડ ૧.૭૦ લાખ મંજૂર કરવામાં આવેલ છે આ ચાર રોડના કામ માટે જોબ નંબર ફાળવવામાં આવેલ છે આ ચાર રોડ માટે કુલ મળીને ૫ કરોડ મંજૂર કરવામાં આવેલ છે અને રાજ્યના માર્ગ અને મકાન વિભાગના ઉપસચિવ દ્વારા જોબ નંબર આપવામાં આવ્યા છે ત્યારે જેથી ધારાસભ્ય કાંતિભાઈએ સરકારનો આભાર વ્યક્ત કરેલ છે