મોરબી એલસીબીની ટીમે ચાર ચોરાઉ વાહનો સાથે ચાર રીઢા ચોરને ૧.૫૦ લાખના મુદામાલ સાથે દબોચ્યા
SHARE
JOIN OUR GROUP
મોરબી એલસીબીની ટીમે ચાર ચોરાઉ વાહનો સાથે ચાર રીઢા ચોરને ૧.૫૦ લાખના મુદામાલ સાથે દબોચ્યા
મોરબી જિલ્લાના જુદા જુદા વિસ્તારની અંદર વાહન ચોરીની ઘટનાઓ બનતી હોય છે ત્યારે આ વાહન ચોરીની ઘટનાઓના ભેદ ઉકેલવા માટે થઈને એલસીબી અને સ્થાનિક પોલીસ દ્વારા કવાયત કરવામાં આવતી હોય છે દરમિયાન એલસીબીની ટીમ દ્વારા જુદા જુદા વિસ્તારમાંથી વાહનની ચોરી કરનાર ટોળકીને દબોચી લેવામાં આવી છે અને કુલ મળીને ચાર શખ્સોની ચાર ચોરાઉ વાહન સાથે ધરપકડ કરી તેની પાસેથી દોઢ લાખનો મુદ્દામાલ કબજે કરવામાં આવ્યો છે અને આરોપી તથા મુદ્દા માલમાં એ ડિવિઝન પોલીસ સ્ટેશન ખાતે સોંપવામાં આવતા સ્થાનિક પોલીસ દ્વારા આગળની તપાસ શરૂ કરવામાં આવી છે.
જાણવા મળતી વિગત પ્રમાણે મોરબી શહેર અને જિલ્લાના જુદા જુદા વિસ્તારની અંદર વાહન ચોરીની ઘટનાઓ બનતી હોય વાહન ચોરીના ભેદ ઉકેલવા માટે થઈને પોલીસ દ્વારા જુદી દિશામાં ટીમો બનાવીને કામ કરવામાં આવી રહ્યુ હતુ દરમિયાન મોરબી જિલ્લા એલસીબીની ટીમને મળેલ માહિતી આધારે વાહન ચોર ટોળકીને ઝડપી લેવામાં આવેલ છે જેમાં હાલમાં પોલીસે બલુભાઈ દેવજીભાઈ વરૈયા જાતે દેવીપુજક ૪૦ રહે ભાવનગર રોડ દૂધસાગર ડેરીની પાછળ મફતીયા પરા રાજકોટ, ડાયાભાઈ અમરશીભાઈ વડેચા જાતે દેવીપુજક ૪૫ રહે આદિપુર અંજાર રોડ, દેવજીભાઈ રમેશભાઈ દેવીપુજક ૨૧ રહે ગોંડલ સોસાયટીની બાજુમાં ભક્તિનગર મહેંદી પડ્યા આદિપુર તથા રમેશભાઈ ચતુરભાઈ પટણી જાતે દેવીપુજક ૩૫ રહે લીલાશાહ કુટીયાની પાછળ ઇસ્કોન મંદિર પાસે આદિપુર વાળા નો સમાવેશ થાય છે અને પોલીસે હાલમાં આ ચારેય શખ્સો પાસેથી દોઢ લાખની કિંમતના ચાર ચોરાઉ વાહનો કબજે કરેલ છે અને વધુમાં માહિતી આપતા પોલીસે જણાવ્યુ છે કે બલુભાઇ વરૈયા અને ડાયાભાઈ વડેચા આ ચોર ગેંગના મુખ્યસુત્રાધાર છે અને અન્ય બે શખ્સો તેની ટોળકીના સભ્ય છે આ ચારેય શખ્સો દ્વારા જુદી જુદી જગ્યાએથી વાહન ચોરી ઘટનાને અંજામ આપવામાં આવેલ છે હાલમાં ચારેય ચોરને ચોરાઉ મુદ્દામાલ સાથે એ ડિવિઝન પોલીસ સ્ટેશન ખાતે સોંપવામાં આવ્યા છે અને પોલીસે આ શખ્સો અન્ય કોઈ વાહન ચોરીના ગુનામાં સંડોવાયેલા છે કે કેમ તે દિશામાં તપાસ શરૂ કરી છે.
