મોરબી પોલીસે ગેંગ કેસના ગુનામાં બે શખ્સોની કરી ધરપકડ
SHARE
JOIN OUR GROUP
મોરબી પોલીસે ગેંગ કેસના ગુનામાં બે શખ્સોની કરી ધરપકડ
મોરબી જિલ્લાના જુદા જુદા વિસ્તારની અંદર વાહન ચોરીની ઘટનાઓ બનતી હોય છે ત્યારે આ વાહન ચોરીની ઘટનાને ધ્યાને રાખીને ગેંગ કેસ કરવામાં આવ્યો હતો જેમાં એ ડિવિઝન પોલીસે હાલમાં બે આરોપીની ધરપકડ કરેલ છે
જાણવા મળતી વિગત પ્રમાણે મોરબી શહેર અને જિલ્લાના જુદા જુદા વિસ્તારની અંદર વાહન ચોરીની ઘટનાઓ થોડા સમય પહેલા બની હતી ત્યારે જિલ્લા એલસીબીની ટીમે વાહન ચોર ટોળકીને ઝડપી લીધી હતી અને તેની પાસેથી દોઢ લાખની કિંમતના ચાર ચોરાઉ વાહનો કબજે કરેલ હતા ત્યાર બાદ આ આરોપીઓની સામે ગેંગ કેસ દાખલ કરવામાં આવ્યો હતો જે ગુનામાં પોલીસે હાલમાં ડાયાભાઈ અમરશીભાઈ વડેચા જાતે દેવીપુજક (૪૫) રહે. આદિપુર અંજાર રોડ અને દેવજીભાઈ રમેશભાઈ કુવડીયા જાતે દેવીપુજક (૨૧) રહે, ગોંડલ સોસાયટીની બાજુમાં ભક્તિનગર મહેંદી ફડિયા આદિપુર વાળાની ધરપકડ કરી હતી અને આ આરોપીને કોર્ટમાં રજૂ કરવામાં આવ્યા હતા
અકસ્માતમાં ઇજા
હળવદ તાલુકાના રણકાંઠાના વિસ્તારમાં રહેતા સલીમભાઈ અસિનભાઈ લોલાડીયા પોતાનું વાહન લઈને નવા જાંબુડીયા ગામ પાસેથી પસાર થઈ રહ્યા હતા ત્યારે ત્યાં ગાડી પલટી મારી જતા તેઓને જમણા પગમાં ઇજા થઈ હતી જેથી કરીને તેને સારવાર માટે તાત્કાલિક મોરબીની ખાનગી હોસ્પિટલમાં લઈને આવ્યા હતા અને આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના મહેશભાઈ કહાંગરા ચલાવી રહ્યા છે
