મોરબીના રંગપર ગામે યુવાનને છ શખ્સોએ માર મારતા ઇજાગ્રસ્ત સારવારમાં
Morbi Today
મોરબીમાં યુવાનને માથામાં લોઢી મારનાર તેની પત્નીની ધરપકડ
SHARE
JOIN OUR GROUP
મોરબીમાં યુવાનને માથામાં લોઢી મારનાર તેની પત્નીની ધરપકડ
મોરબી નજીકના સનાળા ગામે વણકરવાસમાં રહેતા યુવાને તેની પત્નીએ લોઢી વડે માથામાં માર માર્યો હતો અને ગાળો આપી હતી તેમજ જમણા હાથના અંગૂઠામાં બચકુ ભરી લીધું હતું જેથી યુવાને સારવાર લીધા બાદ એ ડિવિઝન પોલીસ સ્ટેશન ખાતે પોતાની પત્ની સામે ફરિયાદ નોંધાવતા પોલીસે ગુનો નોંધીને પોલીસે આરોપી મહિલાની ધરપકડ કરી હતી
જાણવા મળતી માહિતી મુજબ મોરબી નજીકના સનાળા ગામે આવેલ વણકરવાસ વિસ્તારમાં રહેતા નારણભાઈ રામજીભાઈ સોલંકી (૩૩) એ તેની પત્ની સીતાબેન નારણભાઈ સોલંકીની સામે ફરિયાદ નોંધાવી છે જેમાં તેને જણાવ્યુ છે કે, તેઓ પોતાના ઘરે હતા ત્યારે કોઈ કારણોસર તેની પત્ની સાથે બોલાચાલી થઈ હતી અને ત્યારે તેની પત્નીએ તેના હાથમાં રહેલ રોટલી બનાવવા માટેની લોખંડની લોઢી તેના માથાના જમણા ભાગમાં મારી હતી અને તેને ગાળો આપીને જમણા હાથના અંગૂઠામાં બટકું ભરી લીધું હતું જેથી ઈજા પામેલ યુવાનને સારવાર માટે લઈ ગયા હતા અને સારવાર લીધા બાદ તેણે મોરબી સીટી એ ડિવિઝન પોલીસ સ્ટેશન ખાતે પોતાની પત્ની સામે ફરિયાદ નોંધાવી હતી જેના આધારે પોલીસે આરોપી મહિલા સીતાબેન નારણભાઈ સોલંકીની ધરપકડ કરીને આગળની રાબેતા મુજબની કાર્યવાહી હાથ ધરેલ છે
અકસ્માતમાં ઇજા
મોરબીના બાયપાસ રોડ ઉપર આવેલ એ.જે. મિનરલ નામના કારખાના સામેથી રસ્તા ઉપરથી મોરબીના છાત્રાલય રોડ ઉપર આવેલ દર્શન એપાર્ટમેન્ટમાં રહેતા મુકેશભાઈ કરસનભાઈ ભાલોડીયા પોતાનું બાઈક લઈને પસાર થઈ રહ્યા હતા ત્યારે કોઈ કારણોસર તેઓ બાઈક સહિત રસ્તા ઉપર નીચે પટકાયા હતા જેથી મુકેશભાઈ ભાલોડીયાને જમણા ખભામાં તથા માથામાં ઇજા થયો હોવાથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા ચલાવી રહ્યા છે
