મોરબીના નીચી માંડલ પાસે કારખાનામાં પડી જતા સળીયો વાગવાથી યુવાનનું મોત

મોરબી હળવદ હાઇવે ઉપર આવેલ નીચી માંડલ ગામ પાસે સીરામીક કારખાનામાં પડી જતા સળીયો વાગવાથી યુવાનનું મોત નીપજયું હતું જેથી કરીને તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી હળવદ હાઇવે ઉપર આવેલ સીમોલા સિરામિક કારખાનામાં કામગીરી દરમિયાન સુનિલકુમાર કાળેશ્વર સિંધ (૩૧) નામનો યુવાન પડી ગયો હતો અને ત્યારે તેને સળીયો વાગ્યો હતો જેથી કરીને તેનું મોત નીપજયું હતું ત્યાર બાદ મૃતક યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના વી.એસ. ડાંગર ચલાવી રહ્યા છે