મોરબીના રવાપર રોડે દુકાનદાર સાથે મારામારી કરનાર આરોપીની ધરપકડ: રિમાન્ડ લેવા તજવીજ
Morbi Today
મોરબીના વિકાસ વિદ્યાલયમાંથી સગીરા ગુમ, અપહરણનો ગુનો નોંધી પોલીસે શોધખોળ હાથ ધરી
SHARE
JOIN OUR GROUP
મોરબીના વિકાસ વિદ્યાલયમાંથી સગીરા ગુમ, અપહરણનો ગુનો નોંધી પોલીસે શોધખોળ હાથ ધરી
મોરબીના સામાકાંઠે શોભેશ્વર રોડ ઉપર આવેલ વિકાસ વિદ્યાલય (ચિલ્ડ્રન ફોર હોમ) ખાતે રહેતી સગીરા કોઈ કારણોસર વિકાસ વિદ્યાલય ખાતેથી ગુમ થઈ ગઈ હોય અને શોધખોળ કરવા છતાં તેણીની ભાળ ન મળતા અંતે વિકાસ વિદ્યાલયના સુપ્રીન્ટેન્ડન્ડ દ્વારા પોલીસમાં જાણ કરાતા બી ડિવિઝન પોલીસે અપહરણનો ગુનો નોંધીને ગુમ થયેલ સગીરાની ભાળ મેળવવા આગળની તજવીજ શરૂ કરી છે.
મોરબી સીટી બી ડિવિઝન પોલીસ મથકની હદમાં આવેલ શોભેશ્વર રોડ ઉપરના વિકાસ વિદ્યાલય (ચિલ્ડ્રન ફોર હોમ) ખાતેથી ગત તા.૩-૭ ના બપોરના ચારેક વાગ્યાના અરસામાં ૧૫ વર્ષીય સગીરા ત્યાંથી ગુમ થઈ ગઈ હતી અને તેણીની શોધખોળ કરવા છતાં ગુમ થયેલ સગીરની ભાળ મળી ન હોય હાલમાં વિકાસ વિદ્યાલયના સુપ્રીન્ટેન્ડન્ટ નિરાલીબેન જાવિયા દ્વારા અજાણ્યા શખ્સની સામે ફરિયાદ નોંધાવવામાં આવતા સીટી બી ડિવિઝન પીઆઈ પી.એ.દેકાવાડીયા દ્વારા અજાણ્યા શખ્સની સામે આઇપીસી કલમ ૩૬૩ (અપહરણ) મુજબ ગુનો નોંધ્યો છે અને હાલમાં ગુમ થયેલી પંદર વર્ષીય સગીરાને શોધવા માટે પોલીસ દ્વારા આગળની તપાસ શરૂ કરવામાં આવેલ છે.
સિપાઈવાસમાં સામસામી મારામારી
મોરબીના જેલ ચોક પાછળના ભાગે આવેલ સિપાઇવાસ વિસ્તારમાં ઘર પાસે સામસામી મારામારીનો બનાવ બન્યો હતો જે બનાવમાં અવેશ ગુલામહુસેન ખોખર (૩૫) અને મહંમદ અમીન ખુરેશી (૧૮) રહે.બંને સિપાઈવાસને ઇજાઓ થતા બંનેને સારવાર માટે સિવિલે ખસેડવામાં આવ્યા હતા.જેથી એ ડિવિઝન પોલીસ મથકના વિપુલ ફુલતરીયા દ્વારા આગળની તપાસ હાથ ધરવામાં આવી છે.
યુવાન સારવારમાં
મોરબીના લખધીરપુર રોડ ઉપર આવેલ એસર ગ્રેનાઇટો નજીક રહીને ત્યાં જ મજૂરી કામ કરતા પ્રકાશ બીડાઉભાઈ યાદવ નામના ૩૩ વર્ષના યુવાનને યુનિટમાં કામ દરમિયાન ઝેરી સાપ કરડી ગયો હતો જેથી તેને અહીંની મંગલમ હોસ્પિટલ ખાતે સારવાર માટે લાવવામાં આવ્યો હતો.
જુગારના ગુનામાં ધરપકડ
મોરબી એ ડિવિઝન પોલીસ મથકના પી.બી.ઝાલા દ્વારા અગાઉ નોંધાયેલ જુગારના ગુનામાં હાલમાં ગિરીશ છબીલભાઇ કોટેચા જાતે લોહાણા (૫૯) રહે. અંકુર સોસાયટી જીઆઇડીસી સામે શનાળા રોડ મોરબી વાળાની અટકાયત કરવામાં આવી હતી.
