મોરબીના ત્રાજપર-માળીયાના ઘંટીલા ગામે જુગારની બે રેડ: ૧૧ જુગારી પકડાયા
Morbi Today
મોરબીમાં પરત આપી દીધેલ હાથ ઉછીના રૂપિયા બીજી વખત માંગીને બે સગા ભાઈનોને માર માર્યો
SHARE
JOIN OUR GROUP
મોરબીમાં પરત આપી દીધેલ હાથ ઉછીના રૂપિયા બીજી વખત માંગીને બે સગા ભાઈનોને માર માર્યો
મોરબી નજીકના ટિંબડી ગામે રહેતા બે સગા ભાઈઓ બાઈક ઉપરથી પસાર થઈ રહ્યા હતા ત્યારે અગાઉ જે શખ્સ પાસેથી હાથ ઉછીના રૂપિયા લીધા હતા તે પરત આપી દીધા હોવા છતાં પણ તેની પાસે રૂપિયાની માંગણી કરવામાં આવી હતી અને ત્યારે યુવાનને લોખંડની ચાવી વડે માથામાં માર મારેલ હતો અને ભાઈને બચાવવા માટે વચ્ચે પડેલા યુવાનને આંખમાં લોખંડની ચાવી મારી હતી જેથી આંખની દ્રષ્ટિ ગુમાવી દે તેવી ગંભીર ઈજા થઈ હોવાથી તે યુવાનને રાજકોટ સારવાર માટે લઈ જવામાં આવેલ છે અને હાલમાં યુવાને ફરિયાદ નોંધાવતા પોલીસે ગુનો નોંધી આરોપીની ધરપકડ કરેલ છે
બનાવની જાણવા મળતી માહિતી પ્રમાણે મોરબી નજીકના ટીંબડી ગામે શક્તિ પેકેજીંગની પાછળ રહેતા અને પશુપાલનનો વ્યવસાય કરતા ચેતનકુમાર ચંદુભાઈ પરમાર જાતે સલાટ (૨૬)એ હાલમાં મોરબી તાલુકા પોલીસ સ્ટેશન ખાતે મહમદઅખ્તરભાઈ ઉર્ફે રાજા મહમદહબીબભાઈ શેખ રહે. શ્રીરામ ટ્રાન્સપોર્ટ મહેન્દ્રનગર ચોકડી મોરબી મૂળ રહે. બિહાર વાળાની સામે ફરિયાદ નોંધાવી છે જેમાં તેને જણાવ્યુ છે કે, ફરિયાદીના ભાઈ કરસનભાઈએ અગાઉ આરોપી પાસેથી હાથ ઊંચીના રૂપિયા લીધા હતા જે રૂપિયા પરત આપી દીધા છે તેમ છતાં પણ તે રૂપિયાની માંગણી કરીને અવારનવાર બોલાચાલી કરે છે દરમિયાન ફરિયાદી ચેતનકુમાર તથા તેનો ભાઈ કરસનભાઈ બંને બાઈક ઉપર ટિંબડી ગામના બસ સ્ટેન્ડ પાસેથી રોનક ટ્રાન્સપોર્ટ સામેથી પસાર થઈ રહ્યા હતા ત્યારે આરોપીએ તેને રોકીને કરસનભાઈએ જ રૂપિયા પરત આપી દીધા હતા તે રૂપિયાની માંગણી કરી હતી અને ત્યારબાદ બોલાચાલી કરી ગાળો આપી હતી અને તેના હાથમાં રહેલ લોખંડની ચાવી વડે કરસનભાઈને માથામાં માર મારીને ઇજા થઈ હોવાથી તેને માથાના ભાગે ટાંકા આવેલ છે અને તેને છોડાવવા માટે થઈને ફરિયાદી ચેતનકુમાર વચ્ચે પડતા તેને ડાબી આંખમાં લોખંડની ચાવી મારીને આંખની દ્રષ્ટિ ગુમાવી દે તેવી ગંભીર ઇજા કરી હતી જેથી ભોગ બનેલા યુવાને તાત્કાલિક સારવાર માટે પ્રથમ મોરબી અને ત્યારબાદ રાજકોટ ખસેડવામાં આવેલ છે અને હાલમાં યુવાને નોંધાવેલ ફરિયાદ આધારે પોલીસે આરોપી મહંમદઅખ્તરભાઈ ઉર્ફે રાજા મહમદહબીબ શેખની સામે ગુનો નોંધીને તેની ધરપકડ કરી આગળની રાબેતા મુજબની કાર્યવાહી હાથ ધરી છે
