જે હાથ લાગે તે ઉપાડો કોણ રોકશે..? : ટંકારાના ગજડી ગામે સરકારી શાળામાં ચોરી
SHARE
JOIN OUR GROUP
જે હાથ લાગે તે ઉપાડો કોણ રોકશે..? : ટંકારાના ગજડી ગામે સરકારી શાળામાં ચોરી
શાળાનો સામાન તોડ ફોડ કરી કોમ્પ્યુટરના બે સીપીયુ તથા કાગળ પણ ચોરી ગયા..!
મોરબી જિલ્લાના ટંકારા તાલુકામાં છેવાળાના ગજડી ગામે સરકારી શાળામાં તસ્કરો ત્રાટક્યા હતા અને જે હાથ લાગે તે ઉપાડીને ભાગી છુટ્ટયા હોવાનું જાણવા મળેલ છે.હાલ શાળાનો તમામ માલ સામાન વેર વિખર કરીને કોમ્પ્યુટરના બે સીપીયુ કાગળ સહિત રૂા.૩૦ હજારની મતાની ચોરી કરવામાં આવેલ છે તથા શાળાની વસ્તુમાં તોડફોડ તરીને રૂા.૧૫ હજાર જેવી રકમની નુકસાની કરવામાં આવી હોવાની ફરિયાદ નોંધાતા પોલીસે તપાસ શરૂ કરેલ છે.
બનાવ અંગે મળતી વિગતો મુજબ ટંકારા તાલુકાના ગજડી ગામે સરકારી શાળાના આચાર્ય મઠિયા શૈલેષભાઈ ભીખુભાઈ રહે.તુલસીપાર્ક સોસાયટી મોરબીનાએ ટંકારા પોલીસને લેખિત અરજી કરતા જણાવ્યું હતું કે, આજ રોજ તા.૧૭ ને સોમવારે સવારે શાળાએ આવતા માલુમ પડયું હતુ કે શાળાના રૂમના દરવાજા તોડીને શાળાના જરૂરી કાગળો તથા કોમ્પ્યુટરના બે સિપીયુ મળી અંદાજે રૂા.૩૦ હજારની કિંમતની તસ્કરો ચોરી કરી ગયા છે અને શાળાની મિલકતમાં આડેધડ તોડફોડ કરીને રૂા.૧૫ હજારની અંદાજીત નુકસાન કરવામાં આવેલ છે.જગડીના ગ્રામજનોને સાથે રાખીને ટંકારા પોલીસ મથકે લેખિત રાવ કરીને યોગ્ય કાર્યવાહી કરવા તેમજ સઘન નાઇટ પેટ્રોલીંગ કરવામાં આવે તેમ જણાવ્યું હતું. બનાવ અંગે ટંકારા પોલીસે વધુ તપાસ હાથ ધરી છે. #MORBI TODAY
