હળવદના સાપકડા ગામે ખર્ચીના પૈસા બાબતે બોલાચાલી કરીને યુવાનને બે શખ્સોએ માર માર્યો

હળવદ તાલુકાના સાપકડા ગામની સીમમાં યુવાનની વાડી આવીને ખર્ચીના પૈસા બાબતે બોલાચાલી કરીને ગાળો આપી હતી ત્યારબાદ લાકડી વડે તેને માર મારવામાં આવ્યો હતો જેથી કરીને ઈજા પામેલા યુવાને સારવાર લીધા બાદ હાલમાં હળવદ તાલુકા પોલીસ સ્ટેશન ખાતે બે શખ્સોની સામે ફરિયાદ નોંધાવતા પોલીસે બે પૈકીના એક આરોપીની ધરપકડ કરી છે અને બીજા આરોપીને પકડવા માટે હાલમાં તજવીજ ચાલુ છે

જાણવા મળતી માહિતી પ્રમાણે હળવદ તાલુકાના સાપકડા ગામે રહેતા અને ખેતી કામ કરતા બળદેવભાઈ ઉર્ફે બીપીનભાઈ વશરામભાઈ ચૌહાણ (૨૭) એ સાગરભાઇ દિલીપભાઈ મકવાણા અને હસમુખભાઈ ઉર્ફે હકાભાઇ દિલીપભાઈ મકવાણા રહે. બંને દિઘડીયા તાલુકો હળવદ વાળાની સામે ફરિયાદ નોંધાવી છે જેમાં તેને જણાવ્યુ છે કે, આરોપીઓએ તેની વાડીએ આવીને ખર્ચીના પૈસા બાબતે બોલાચાલી કરીને ગાળો આપી હતી અને આરોપી સાગરભાઇએ લાકડી વડે ડાબા ગાલે કાન પાસે માર માર્યો હતો અને હસમુખભાઈએ લાકડી વડે જમણી આંખ પાસે માર માર્યો હતો તેમજ બંને શખ્સોએ વાસા અને પેટ ઉપર પણ લાકડી વડે માર માર્યો હતો જેથી ઈજા પામેલા યુવાને સારવાર લીધા બાદ હાલમાં હળવદ તાલુકા પોલીસ સ્ટેશન ખાતે બે શખ્સોની સામે ફરિયાદ નોંધાવી હતી જેના આધારે પોલીસે હસમુખભાઈ ઉર્ફે હકાભાઇ દિલીપભાઈ મકવાણા રહે. દીઘડિયા વાળાની ધરપકડ કરેલ છે અને બીજા આરોપીને પકડવા માટે તજવીજ ચાલી રહી છે

એક બોટલ દારૂ

વાંકાનેર તાલુકાના જામસર થી ઓળ ગામ તરફ જવાના રસ્તા ઉપર આવતી એક્શન પેપર મીલ પાસેથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી પોલીસે ૫૨૦ રૂપિયાની કિંમતની દારૂની બોટલ કબજે કરીને હતી અને આરોપી વિપુલભાઈ મનસુખભાઈ વિજવાડીયા જાતે કોળી (૨૨) રહે. ભીમગુડા તાલુકો વાંકાનેર વાળાની ધરપકડ કરેલ છે