વાંકાનેરના સફાઈ કામદારોને સેનેટરી ઇન્સપેકટરનો ત્રાસ: હડતાલની ચીમકી
SHARE
JOIN OUR GROUP
વાંકાનેરના સફાઈ કામદારોને સેનેટરી ઇન્સપેકટરનો ત્રાસ: હડતાલની ચીમકી
વાંકાનેર પાલિકાના સફાઈ કામદારોને સેનેટરી ઇન્સપેકટર વારંવાર હેરાન કરે છે તેવી ચીફ ઓફિસરને રજુઆત છે અને સેનેટરી ઇન્સપેકટરની કનડગત દૂર ન થાય તો હડતાળ કરવાની ચીમકી ઉચ્ચારી છે
વાંકાનેર પાલીકાના સફાઈ કામદારો દ્વારા ચીફ ઓફિસરને લેખિતમાં રજૂઆત કરવામાં આવી છે જેમાં જણાવ્યુ છે કે, સફાઇ કામદોરોને સેનટરી ઇન્સપેકટર હેરાન કરે છે અને અભદ્રભાષાનો ઉપયોગ કરે છે આટલું જ નહીં વધારાની કલાકોમાં કામ કરવા માટે ફરજ પાડવામાં આવે છે અને વધુમાં સેનેટરી ઈન્સ્પેકટર એવું પણ કહે છે કે, “હું જે કહુ તે કરવાનું અને જો કામ ન કરવુ હોય તો જતા રહો, તમારી ઓકાત હુ જાણુ છુ” અને સફાઇ કામદારોને ભુગર્ભ ગટર તેમજ મેઇન ગટરમાં ઉતારે છે અને ચાલુ વરસાદે કામ માટે સફાઈ કર્મીઓને બોલાવે છે આમ સફાઈકર્મીઓને ખુબ જ હેરાન કરે છે તથા સેનેટરી ઇન્સપેક્ટર મહિલા સફાઇ કામદરોને પણ મનફાવે તેવી રીતે ગેરવર્તન કરે છે. જેથી તેની સામે યોગ્ય પગલાં લેવામાં આવે તેવી માંગ ઉઠી છે અને જો પગલાં નહીં લેવામાં આવે તો સફાઇ કામદારો હડતાલ ઉપર જશે તેવી ચીમકી ઉચ્ચારી છે
