મોરબીમાં પત્નીની સાથે વાત કરતી મહિલાને ગાળો આપીને ધોકા વડે એક શખ્સે માર માર્યો

મોરબીમાં શક્તિ ચેમ્બરની પાછળના ભાગમાં આવેલ ઉમિયાનગરમાં રહેતી મહિલા પોતાના ઘર તરફ જતી હતી ત્યારે તેને એક મહિલાએ ઊભી રાખી હતી જેથી કરીને તે મહિલા તેની સાથે વાત કરી રહી હતી ત્યારે જે મહિલાએ ફરિયાદી મહિલાને ઊભી રાખી હતી તેના પતિએ ત્યાં આવીને બોલાચલી કરી ઝઘડો કર્યો હતો અને બાદમાં ગાળો આપી હતી ત્યારે ગાળો દેવાની ના પાડતા તેણે પોતાના ઘરમાંથી લાકડાનો ધોકો લાવીને તે ધોકા વડે મહિલાને માર માર્યો હતો અને માથામાં ઇજા કરી હતી જેથી કરીને તેને સારવારમાં ખસેડવામાં આવી હતી ત્યાર બાદ મહિલાએ હાલમાં તેને માર મારનારા શખ્સની સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ મોરબીમાં શક્તિ ચેમ્બરની પાછળના ભાગમાં ઉમિયાનગરમાં રહેતા અનિતાબેન જેસીંગભાઇ સોલંકી (૪૨) એ મોરબી બી ડિવિઝન પોલીસ સ્ટેશન ખાતે લલિતભાઈ રાઠોડ રહે ઉમિયાનગર વાળાની સામે ફરિયાદ નોંધાવી છે જેમાં તેને જણાવ્યું છે કે તેઓ સવારે પોણા દસ વાગ્યાના અરસામાં સીરામીક સીટીથી ચાલીને પોતાના ઘર તરફ જતા હતા ત્યારે આરોપીના પત્ની રવિનાબેને તેના ઊભા રાખ્યા હતા જેથી તે ઊભા રહીને તેની સાથે વાતચીત કરતા હતા દરમિયાન આરોપીએ ત્યાં આવીને બોલાચાલી અને ઝઘડો કર્યો હતો અને ગાળો આપી હતી ત્યારે ગાળો આપવાની ના પાડતા આરોપી તેના ઘરમાંથી લાકડાનો ધોકો લાવ્યો હતો અને ફરિયાદીને ડાબા હાથે, બંને પગે અને માથાના ભાગે ધોકા વડે માર માર્યો હતો જેથી માથામાંથી લોહી નીકળવા લાગતા તેને તાત્કાલિક સારવાર માટે હોસ્પિટલે લઇ ગયા હતા અને સારવાર લીધા બાદ મહિલાએ મોરબી બી ડિવિઝન પોલીસ સ્ટેશન ખાતે લલીતભાઈ રાઠોડ સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે