મોરબીનો ઘોડાધ્રોઈ ડેમ ૧૦૦ ટકા ભરાઈ જતાં ૧૨ ગામોને એલર્ટ કરાયા

મોરબી જિલ્લાનો જીકીયારી પાસે આવેલ ઘોડાધ્રોઈ ડેમ હાલમાં ૧૦૦ ટકા ભરાઇ ગયો છે જેથી કરીને સિંચાઇ વિભાગ દ્વારા ૧૨ ગામોને એલર્ટ કરવામાં આવેલ છે  

હલમ સિંચાઇ વિભાગના અધિકારી પાસેથી મળતી માહિતી મુજબ જીકીયારી પાસે આવેલ ઘોડાધ્રોઈ ડેમ આવેલ છે આ ડેમની ૯૮.૩ મીટરની સપાટીમાંથી હાલ ૯૮ મીટર સુધી ડેમ ભરાયો છે અને હાલમાં પણ ડેમમાં ૩૩૩ ક્યુસેક પાણીની આવક ચાલુ છે જેથી કરીને ડેમના હેઠવાસમાં આવતા મોરબી તાલુકાના ૭ ગામો અને માળીયા તાલુકાના ૫ ગામોને એલર્ટ કરાયા છે અને ડેમ ભરાઈ જવાથી નદીના પટમાં આવર જવર નહિ કરવા અને સાવચેત રહેવા સૂચના આપવામાં આવી છે જે ગામોને એલર્ટ કરવામાં આવેલ છે તેમાં મોરબી તાલુકાના ચકમપર, જીકીયાળી, જીવાપર, જેતપર, જસમતગઢ, શાપર, રાપર અને માળીયા તાલુકાના સુલતાનપર, માણાબા, ચીખલી, સાપર, રાપર ગામનો સમાવેશ થાય છે